ខេត្តសៀមរាប ៖ រថយន្តមួយគ្រឿង ពណ៌ស ចំណុះ២៥កៅអីដឹកអ្នកដំណើរជនជាតិចិនចំនួន ១៨នាក់ ត្រូវអគ្គិភ័យ ឆេះអស់ ស្ទើរទាំងស្រុង បង្កឱ្យមានការភ្ញាក់ផ្អើលកាលពីវេលាម៉ោង ៣ និង២០នាទីរសៀល ថ្ងៃទី៧ មិថុនា ២០១៥ នៅតាមផ្លូវ ជាតិលេខ៦ ចម្ងាយពីខេត្ត២៥គីឡូម៉ែត្រ ស្ថិតក្នុង ភូមិរកាកំបុត ឃុំត្រពាំងធំ ស្រុកប្រាសាទបាគង តែសំណាងល្អ មិនបណ្តាល ឱ្យអ្នកដំណើរ រងគ្រោះថ្នាក់ឡើយ។មូលហេតុដែលបណ្តាលឱ្យមានអគ្គិភ័យនេះដោយសារទុស្សេខ្សែភ្លើងក្នុង កាប៊ីនរថយន្ត ។ពេលនេះរថយន្តកំពុងឆេះនៅឡើយ ហើយមិនមានរថយន្តពន្លត់អគ្គិភ័យមកអន្តរាគមន៍ទេ ចំណែក ប្រជាពលរដ្ឋ និងសមត្ថកិច្ចនាំ គ្នាឈរមើលរហូតដល់ភ្លើងឆេះរថយន្តជិត អស់។ពេលនេះសមត្ថកិច្ចកំពុងសួរនាំអ្នកបើកបររថយន្តឈ្មោះសុខ សារី ភេទប្រុស អាយុ៣៧ឆ្នាំ រស់នៅភូមិជ្រាវ សង្កាត់ជ្រាវ ក្រុងសៀមរាប៕ផ្តល់សិទ្ធដោយ កោះសន្តិភាពបើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/onlykhmerload