ភ្នំពេញ ៖ រាជរដ្ឋាភិបាលកម្ពុជា តាម រយៈក្រសួងការបរទេសរបស់ខ្លួន បានចោទ ប្រទេសឥណ្ឌា និងស្នើឱ្យបញ្ឈប់ជាបន្ទាន់ការ សាងសង់ប្រាសាទដែល យកគំរូតាមប្រាសាទ អង្គរវត្ដដ៏ល្បាញល្បី របស់ព្រះរាជាណាចក្រកម្ពុជា ។នេះបើយោងតាមអ្នកនាំពាក្យក្រសួង ការបរទេស លោកកុយ គួង នៅថ្ងៃទី៦ ខែមិថុនា ឆ្នាំ២០១៥នេះ តាមរយៈការផ្ញើ កំណត់ទូតតវ៉ារបស់ខ្លួនទៅកាន់ក្រសួងការ បរទេសឥណ្ឌា ។អ្នកនាំពាក្យក្រសួងការបរទេសបាន បញ្ជាក់យ៉ាងដូច្នេះថា “នៅថ្ងៃនេះ ក្រសួង ការបរទេស និងសហ ប្រតិបត្តិការអន្តរជាតិ បានផ្ញើកំណត់ទូតតវ៉ា ទៅក្រសួងការបរទេសឥណ្ឌា ឲ្យក្រុមហ៊ុន “MAHAVIR MANDIR TRUST” បញ្ឈប់គំរោងសាងសង់ប្រាសាទ ដែលចម្លងតាមប្រាសាទអង្គរវត្តខ្មែរយើង។កំណត់ទូតតវ៉ា បានគូសបញ្ជាក់ថា រាជរដ្ឋាភិបាលកម្ពុជា បានចាត់ទុកការសាងសង់ ចម្លងតាម ប្រាសាទអង្គរវត្តខ្មែរយើង ដើម្បីផលប្រយោជន៍ពាណិជ្ជកម្មនេះ គឺជាការរំលោភបំពានយ៉ាងធ្ងន់ធ្ងរ ដល់សម្បត្តិបេតិកភ័ណ្ឌពិភពលោក ដែលមានតម្លៃមនុស្សជាតិលេចធ្លោជាសកល។ ជាងនេះទៀត ប្រាសាទអង្គរវត្តជានិមិត្តរូប ដែលមាននៅក្នុងទង់ជាតិកម្ពុជា ជាច្រើនសតវត្សមកហើយ។ក្រសួងការបរទេស និងសហប្រតិបត្តិការអន្តរជាតិ បានស្នើក្រសួងការបរទេស ឥណ្ឌា ឲ្យពិចារណា យ៉ាងម៉ត់ចត់ជាបន្ទាន់ នូវគំរោងសាងសង់ចម្លងតាមប្រាសាទអង្គរវត្ត ខ្មែរយើង ដើម្បីថែរក្សាទំនាក់ទំនង ប្រពៃណីជាប្រវត្តិសាស្រ្តរវាងប្រទេស និងប្រជាជនយើងទាំងពីរ។ទន្ទឹមនេះភារៈធារីស្តី ទីស្ថានទូតកម្ពុជា ប្រចាំប្រទេសឥណ្ឌា ក៏បានធ្វើការតវ៉ាបែបនេះ ជាមួយក្រសួងការបរទេសឥណ្ឌា ដែរ “៕ផ្តល់សិទ្ធដោយ ដើមអម្ពិលបើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/onlykhmerload