ភ្នំពេញ៖ តារាចម្រៀងជាគូ ប្ដីប្រពន្ធ លោក អ៊ុក ណារីម និង អ្នកនាង ឆោម ឆពុំ ដែលតារាទាំងពីរដួងនេះ បានរៀបការ យ៉ាងអធឹកអធ័ម ក្រោមវត្តមាន ថ្នាក់ដឹកនាំប្រទេស និងជាមង្គលការ អ្នកសិល្បៈដែល មានកិត្តិយសបំផុត។ ក្រោយរៀបការ វត្តមានអ្នកទាំងពីរ ក្នុងសិល្បៈ ហាក់ត្រូវបាន កាត់បន្ថយ ស្ទើរតែទាំងស្រុង ដែលទស្សនិកជន មិនសូវឃើញអ្នក ទាំងពីរឡើងច្រៀង នៅតាមស្ថានីយ ទូរទស្សន៍ណាមួយ ដូចមុនឡើយ។ ប៉ុន្តែថ្មីៗនេះ ប្រភពមួយបានបង្ហើបថា ក្រុមតន្រ្តីរបស់ តារាចម្រៀង អ៊ុក ណារីម ទទួលបានតម្លៃ ៤ម៉ឺនដុល្លារ ក្នុងពិធីមង្គលការ លោកឧកញ៉ា ទ្រី ភាព ដែលបានជួល ក្រុមតន្រ្តីនេះ ទៅកំដរក្នុង ថ្ងៃមង្គលការ។យ៉ាងណាមិញ ប្រិយមិត្តខ្លះ នឹកស្មានថា អ្នកទាំងពីរបានដកខ្លួន ចេញពីវិស័យ សិល្បៈទៅហើយ ព្រោះរកប្រាក់ចំណូល បានតិចតួចណាស់ ខណៈឡើងប៉ុស្តិ៍ម្ដងៗ ទិញតែខោអាវស្លៀកពាក់ និងគ្រឿងតុបតែងកាយ មិនគ្រាន់ផង ។ ចំណែកឯកម្មវិធី ថ្នាក់ជាតិវិញ បានត្រឹមតែ ១០ទៅ២០ម៉ឺនរៀល ប៉ុណ្ណោះ ជាប្រាក់តិចតួច សមល្មមឲ្យអ្នកទាំងពីរ ដកខ្លួនចេញពីវិស័យនេះ ។ផ្ទុយទៅវិញ ប្រភពដ៏កក់ក្ដៅ ពីអ្នករៀបចំ ក្នុងក្រុមតន្ត្រី អ៊ុក ណារីម បាននិយាយថា លោក អ៊ុក ណារីម ថ្វីត្បិតពុំសូវលេចមុខ លេចមាត់ក្នុង សង្គមសិល្បៈដូចមុន ឬក៏ថតបទចម្រៀង ឲ្យផលិតកម្ម ក្រៅស្រុកជាដើម តែលោកបានបើក ជាក្រុមតន្ត្រីផ្ទាល់ខ្លួនវិញ ដែលមានសកម្មភាព កាក់កប នឹងកើបលុយរហូត ។ ប្រភពដដែលបានបន្តថា អ្នកសិល្បៈមិនអាច រកស៊ីអ្វីបានល្អ ដូចជំនាញដែល ខ្លួនមានឡើយ ធ្លាប់តែរាំច្រៀង ឲ្យទៅលក់ដូរ មិនឈ្នះគេទេ ។ តែបើបើកក្រុមតន្ត្រី បែបនេះ គឺអាចទៅរួច ព្រោះលោកមាន ជំនាញស្រាប់ មិនពិបាករៀនសូត្រ ច្រើនឡើយ បទពិសោធន៏ ក៏មានជាង១០ឆ្នាំ ហើយរឿងអី ធ្វើមិនបាននោះ ។ប្រភពដ៏កក់ក្ដៅដដែល បានអួតថា គ្រាន់តែមង្គលការ អ្នកឧកញ៉ា ទ្រី ភាព លោក អ៊ុក ណារីក ស៊ីថ្លៃជាង ៤ម៉ឺនដុល្លារឯណោះ ដែលអាចនិយាយ បានថា ជាក្រុមតន្ត្រីថ្លៃ ជាងគេក្នុងប្រទេស ព្រោះក្រុមតន្រ្តីនានា មានតារាចម្រៀងល្បីៗ ក៏មិនស៊ីថ្លៃ យ៉ាងនេះដែរ ហើយក្នុងក្រុម មានតារាចម្រៀង ជើងចាស់ ប្រមាណជា ៥ទៅ៦នាក់ ប៉ុណ្ណោះ ។ មួយរោងនេះគ្រប់ទឹកតែម្ដង ព្រោះតារាចម្រៀង ជើងចាស់ទាំងនោះ ម្នាក់តំលៃជាមធ្យម គឺ៥០០ដុល្លារ ប៉ុណ្ណោះ ។លោក អ៊ុក ណារីម មិនទាន់សុំការបំភ្លឺបានទេ ក្នុងពេលនេះថា ក្រុមតន្ត្រីលោក អាចទទួលបានប្រាក់ ដល់ទៅ៤ម៉ឺនដុល្លារ នឹងប្រាក់ លើកទឹកចិត្ត ៣០០០ដុល្លារ ក្រៅឬយ៉ាងណា ខណៈគេហទំព័រកំសាន្ត LookingTODAY រង់ចាំការបំភ្លឺពី ថៅកែក្រុមតន្ត្រី រូបនេះពេលក្រោយ ៕ផ្តល់សិទ្ធដោយ ដើមអម្ពិលបើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/onlykhmerload