មានភាពភ្ញាក់ ផ្អើលមួយនៅ ក្នុងបណ្តាញ អ៊ីនធើណេត ដោយសារការ បង្ហោះវីដេអូ សត្វចម្លែកវែង សំប៉ែត ពណ៌បៃតងមួយ កំពុងតែ វារ គើមៗ និងលានអណ្តាត ដ៏វែងរបស់វា ចេញមកមិនឈប់ ដែលមើលទៅពិត ជាគួរឲ្យ ញញើតណាស់។ សត្វចម្លែក នេះមានប្រវែង ០.៩ ម៉ែត្រ ដូចជាសត្វពស់ ត្រូវបានគេ ប្រទះឃើញកំពុង តែវារនៅលើ កម្រាលបេតុង នៅកំពុងផែ តៃវ៉ាន់ ដោយក្នុងនោះ គេឃើញវាលាន អណ្តាតពណ៌ ផ្កាឈូកខ្ចី របស់វាចេញ មកទៀតផង។ តាមរយៈការ បង្ហោះវីដេអូនេះ ដូចជាគ្មាននរណាម្នាក់ អាចស្គាល់ ច្បាស់ទេ ថាសត្វនេះ គឺជាសត្វអ្វី? អ្នកប្រើប្រាស់ បណ្តាញ យូធូបម្នាក់ ឈ្មោះ Nick Rosenberg ហៅវាថា គឺជា "Flubber ពីឋាននរក" ដោយមានអ្នក ផ្សេងទៀតបាន ហៅវាថា គឺជាប្រភេទ សត្វចម្លែក ភពផ្កាយ។ អ្នកប្រើប្រាស់ អ៊ីនធើណេត មួយចំនួនបានហៅ សត្វនេះថា គឺជាដង្កូវខ្សែបូ។ សត្វល្មូន សំប៉ែតមួយនេះ ត្រូវបានគេ ដឹងថាប្រមោយ ដ៏វែងរបស់វា គឺប្រើសម្រាប់ បញ្ចេញជាតិ ពុល និងបញ្ឆោត ចំណី។ ខ្នែងដែលវា បញ្ចេញមកនេះ គឺជា "អណ្តាត" ពណ៌ផ្កាឈូកខ្ចី ដែលហាក់ដូចជា ធ្វើចលនា យ៉ាងរវាម នៅលើខ្លួន របស់វា។ មិនថាសត្វ នេះជាសត្វអ្វី នោះទេ ប៉ុន្តែវាមើល ទៅពិតជាចម្លែក ណាស់ ដែលយើងមិនអាច ឲ្យឈ្មោះវា បានទេថា សត្វនេះគឺ ជាសត្វអ្វីនោះទេ។ ចុះប្រិយមិត្ត ខ្មែរឡូតវិញស្គាល់សត្វ នេះដែររឺទេ ជួយប្រាប់ផង ថាសត្វនេះ ជាសត្វអ្វី?ប្រភព៖ មេត្រូដោយ៖ អេរិចខ្មែរឡូតបើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/onlykhmerload