ជំហានឈានឡើង ឌុច លីដា ចាប់គូជាមួយតារាប្រុសសិង្ហបុរី
តារាសម្ដែងស្រីមានប្រជាប្រិយភាពរបស់កម្ពុជាកញ្ញា ឌុច លីដា ត្រូវបានចាប់គូឲ្យជួបជាមួយតារាសម្ដែងប្រុសរបស់ប្រទេសសិង្ហបុរីដែលកំពុងទទួលបានការគាំទ្រទាំងនៅប្រទេសដើមរបស់លោក និងនៅកម្ពុជា គឺលោក Elvin NG។
ពួកគេទាំងពីរនេះ បានជួបគ្នាជាលើកដំបូងក្នុងភាពយន្តភាគខ្នាតខ្លីរឿង “ដំរីមរកត” ដែលផលិតឡើងក្រោមកិច្ចសហប្រតិបត្តិការរវាងភាគីសំខាន់ៗ៣ គឺស្ថានីយទូរទស្សន៍ CTN ផលិតកម្មខ្មែរមេគង្គ(KMF) និងក្រុមហ៊ុន MEDIACORP របស់ប្រទេសសិង្ហបុរី។ រឿងនេះ ត្រូវបានធ្វើសន្និសីទសារព័ត៌មានម្សិលមិញនេះ នៅស្ថានីយទូរទស្សន៍ CTN ផ្ទាល់តែម្ដង។
លោក Ieng Kimsreng អគ្គនាយករងរបស់ CBS បានមានប្រសាសន៍ថា លោកមានសេចក្តីសោមនស្សរីករាយជាខ្លាំង ដែលបានបោះជំហានទៅសហការផលិតខ្សែភាពយន្តនេះ ដែលបានធ្វើឲ្យតារាភាពយន្តក្នុងស្រុកមានឱកាសចាប់គូសម្ដែងជាមួយតារាសម្ដែងបរទេសជាលើកទី១។ លោក បន្ថែមថា មួយផ្នែកគឺ CTN ចង់ផ្តល់ឲ្យទស្សនិកជននូវអ្វីប្លែក ថ្មី ហើយមួយផ្នែកទៀត គឺបើកឱកាសឈានទៅផ្លាស់ប្តូរផលិតផលភាពយន្តនៃប្រទេសទាំងពីរផង។
អគ្គនាយក CBS(Cambodia Broadcasting Service) លោក Bernard Anthony ក៏បានបន្ថែមថា នាពេលបច្ចុប្បន្នទូរទស្សន៍ក្នុងស្រុកក៏មានច្រើន ដូច្នេះការប្រកួតប្រជែងក៏ច្រើនដែរ អីចឹងហើយស្ថាប័នរបស់លោក តែងតែធ្វើអ្វីៗថ្មី និងតម្រូវទៅតាមទីផ្សារ។ លោក ថា “ដំរីមរកត” គឺរបស់ថ្មីមួយ ខណៈតារាសម្ដែងល្បីឈ្មោះរបស់កម្ពុជា កញ្ញា ឌុច លីដា និងលោក Elvin NG សុទ្ធតែជាតារាកំពុងទទួលបានការគាំទ្រ ដូច្នេះហើយ ការចាប់គូឲ្យពួកគេជួបសម្ដែងជាមួយគ្នា គឺជារឿងចាំបាច់។
វិលមកលោក Mathaw Robinson ចាងហ្វាងផលិតកម្ម ខ្មែរមេគង្គវិញ បានអះអាងថា “ដំរីមរកត” គឺកើតចេញពីគំនិតច្នៃប្រឌិតដើមទាំងស្រុង ដោយមិនមានចំណែកណាមួយត្រូវត្រាប់តាមរឿង “Tomb Raider” ទេ ហើយវាបង្ហាញឲ្យឃើញពីជំនាញពិតប្រាកដរបស់តួសម្ដែងខ្មែរ និងសិង្ហបុរី និងក្រុមជំនាញបច្ចេកទេសរបស់កម្ពុជា។
យ៉ាងណាលោក សុំមិនអធិប្បាយពីខ្លឹមសារនៃសាច់រឿងនោះទេ ដោយលោកស្នើឲ្យរង់ចាំទស្សនាក្នុងពេលឆាប់ៗខាងមុខ។
មិនត្រឹមតែជាលើកដំបូងក្នុងវិស័យភាពយន្តរបស់ខ្មែរដែលតារាសម្ដែងក្នុងស្រុក បានជួបសម្ដែងជាមួយតារាប្រុសមកពីប្រទេសសិង្ហបុរី ប៉ុន្តែសូម្បីសាមីតួសម្ដែងក៏លើកដំបូងដូចគ្នាដែរក្នុងការសម្ដែងជាមួយដៃគូបរទេស។
កញ្ញា ឌុច លីដា ដែលសម្ដែងជាតួនាង “ម៉ាលី” បានបញ្ចេញឲ្យដឹងថា កញ្ញា រីករាយមែនទែនចំពោះឱកាសលើកនេះ ក្នុងនោះកន្លងមក ធ្លាប់តែឃើញលោក Elvin NG ក្នុងខ្សែភាពយន្ត ប៉ុន្តែពេលនេះ កញ្ញា មានឱកាសបានសម្ដែងភាពយន្តជាមួយ គឺកញ្ញារីករាយមែនទែន។
តួប្រុសរូបសង្ហាលោក Elvin NG ក៏ដូចគ្នា លោកបញ្ជាក់ថា លោករីករាយចំពោះឱកាសសម្ដែងរឿងជាមួយតារាកម្ពុជាលើកទី១នេះ។ ឆ្លើយតបនឹងអ្នកសារព័ត៌មាន លោក Elvin ថ្លែងថា កញ្ញា ឌុច លីដា ស្អាត ជាតារាសម្ដែងមានទេពកោសល្យម្នាក់។
“ដំរីមរកត” បាន និងកំពុងដំណើរការថត តាមគ្រោងអាចនឹងចប់ក្នុងរង្វង់ខែកក្កដាខាងមុខ។ រឿងនេះ នឹងត្រូវនៅខេត្តសៀមរាប ខេត្តកំពង់ធំរបស់កម្ពុជា និងឆ្ពោះទៅថតនៅប្រទេសសិង្ហបុរីទៀត។ លោក Ieng Kimsreng បញ្ជាក់ថា បន្ទាប់ពីថតចប់ “ដំរីមរកត” នឹងដាក់បញ្ចាំងនៅកម្ពុជាផង និងនៅសិង្ហបុរីផង៕
ប្រភព Sabay
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
