ខេត្តរតនគិរី ៖ បុរសម្នាក់ត្រូវក្មេងស្ទាវ មួយក្រុមព្រួតគ្នាវាយ និងចាក់បណ្តាលឱ្យស្លាប់ យ៉ាងអាណោចអាធ័មក្នុង ពិធីមង្គលការមួយ ស្ថិតក្នុងភូមិចង ឃុំញ៉ាង ស្រុកអណ្តូងមាស កាលពីវេលាម៉ោង១០ និង៣០នាទីយប់ ថ្ងៃទី២ មិថុនា ២០១៥ ។បើតាមសាច់ញាតិជនរងគ្រោះ បានប្រាប់ឱ្យដឹងថា ជនរងគ្រោះឈ្មោះញឹម វណ្ណី អាយុ២៤ឆ្នាំ មុខរបរធ្វើចំការ មានស្រុកកំណើតនៅភូមិត្រាំង ឃុំថ្ម ពូន ស្រុកព្រៃឈរ ខេត្តកំពង់ចាម ។ប្រភពបន្តទៀតថា នៅក្នុងពិធីមង្គលការនេះ មានចាក់ធុងបាស់ ហើយជនរងគ្រោះបានចូលរាំលេង ប៉ុន្តែក្នុងវង់រាំនោះពុំមានបញ្ហាទេ ស្រាប់តែលេចមុខ មនុស្ស២-៣នាក់ជាក្មេងស្ទាវ ក្នុងភូមិមិនដឹងថា មានរឿងអ្វីនោះទេក៏មក ដាល់ជនរងគ្រោះ។ឃើញសកម្មភាពដូច្នេះ ពួកគាត់ស្ទុះទៅជួយឃាត់ តែត្រូវជនដៃដល់ ច្រានពួកគាត់ឱ្យដួល។ ក្នុងសកម្មភាពនេះគេឃើញ មនុស្សជាច្រើននាក់ព្រួតគ្នាវាយជនរងគ្រោះ ដោយយកដំបងវាយ ក្បាលពីក្រោយ និងកាំបិតចាក់ ចំកំភួនជើង និងដងខ្លួនជាច្រើនកាំបិត បណ្តាលឱ្យដាច់ខ្យល់ស្លាប់ភ្លាមៗ នៅកន្លែងកើតហេតុ ហើយនាំគ្នារត់គេច ខ្លួនបាត់អស់។នៅព្រឹកថ្ងៃទី៣ មិថុនា មន្ត្រីនគរបាល នៃស្នងការដ្ឋានខេត្តបានចុះទៅត្រួតពិនិត្យសព ឃើញមានស្នាមរបួស ចំនួន៨កន្លែង ភ្លៅ៥កន្លែង ដងខ្លួន៣កន្លែង ចាក់ដោយកាំបិតចិត បន្លែចុងស្រួច។ប៉ូលិសបានបញ្ជាក់ថា ក្នុងកម្មវិធីមង្គលការនេះ ម្ចាស់ផ្ទះជាជនជាតិច្រាយ បានចាក់ធុងបាស់រាំលេង ដោយមានផឹកស្រាបៀរ និងស្រាពាងលាយគ្នា ហើយក្រុមក្មេងស្ទាវ ក្នុងភូមិ២០-៣០នាក់ចូលរាំ ក្រោយមកទៀតរាំជាន់ជើងគ្នា ក៏កើតជាជម្លោះចាក់សម្លាប់គ្នាតែម្តង ។ ជនសង្ស័យសមត្ថកិច្ច ស្គាល់មុខសញ្ញា អស់ហើយ គឺមិនអាចគេចខ្លួនរួចទេ៕ផ្តល់សិទ្ធដោយ កោះសន្តិភាពបើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត https://www.facebook.com/onlykhmerload