រាជធានីភ្នំពេញ ៖ បុរសម្នាក់ស្រវឹងស្រា បើករថយន្តលឿនដូចហោះ ទៅប៉ះក្បាលនាគពុះចែក ទ្រូងផ្លូវ រេចង្កូតទៅបុកដើម ក្ងោកបាក់១ដើម រួចហើយជ្រុល ទៅបុករបងដែក ផ្ទះលក់សម្ភារសំណង់ មួយកន្លែង បាក់អស់ជាច្រើនផ្ទាំង កាលពីវេលា ម៉ោង ២និង៣០នាទី ទៀបភ្លឺ ថ្ងៃទី៤ មិថុនា តាមផ្លូវ ម៉ៅសេងទុង សង្កាត់ទួលស្វាយព្រៃ១ ខណ្ឌចំការមន។

អ្នកឃើញហេតុការណ៍បានឲ្យដឹងថា មុនពេលកើតហេតុ គេឃើញរថយន្តបង្កម៉ាកតូយ៉ូតាព្រូស ពណ៌ស ពាក់ស្លាកលេខភ្នំពេញ ២ AD- ៧៤៣៨ បើកបរដោយ បុរសម្នាក់ក្នុង ស្ថានភាពស្រវឹង ធ្វើដំណើរតាម បណ្តោយផ្លូវ ម៉ៅសេងទុង ទិសដៅពីកើតទៅលិច ក្នុងល្បឿន លឿន លុះមកដល់ ចំណុចកើតហេតុក៏ ប៉ះក្បាលនាគពុះ ចែកទ្រូងផ្លូវវេ ក្បាលនាគខុសគន្លង ធ្វើឲ្យរថយន្តរេចង្កូត ទៅបុកដើមក្ងោក នៅតាម ចិញ្ចើមផ្លូវបាក់ ១ដើម ហើយក៍ជ្រុលទៅ បុករបងដែករបស់ ផ្ទះសម្ភារសំណង់ បាក់អស់ជាច្រើន ផ្ទាំង រីឯរថយន្តខ្ទេច មួយកំណាត់មុខ ទាំង ស្រុង តែសំណាងល្អ អ្នកបើករថយន្ត មិនមានរងរបួសទេ បានបើកទ្វាររថយន្ត រត់គេចខ្លួន បាត់ស្រមោល ។

ក្រោយពេលកើតហេតុ រថយន្តបង្កត្រូវបាន នគរបាលចរាចរណ៍ រាជធានីភ្នំពេញ ស្ទូចយកទៅរក្សាទុកនៅក្រុង ដើម្បីរកម្ចាស់ មកដោះស្រាយ ៕

ផ្តល់សិទ្ធដោយ កោះសន្តិភាព