ភ្នំពេញ ៖ កម្លាំងនគរបាលការិយាល័យ ទី៣ នៃនាយកដ្ឋានប្រឆាំងបទល្មើសសេដ្ឋ កិច្ចក្រសួងមហាផ្ទៃ ដឹកនាំដោយតំណាង អយ្យការអមសាលាដំបូងរាជធានីភ្នំពេញ នៅរសៀលថ្ងៃទី០៣ ខែមិថុនា ឆ្នាំ២០១៥ នេះ បានចុះទៅធ្វើការឆែកឆេរនៅហាងលក់ គ្រឿងអគ្គិសនីយី ហោហេង ឌឿន ស្ថិតនៅ ផ្ទះលេខ៣១ែ០ ផ្លូវលេខ១១១ សង្កាត់អូរ ឫស្សីទី១ ខណ្ឌ៧មករា ក្រោយពីទទួលបាន ព័ត៌មានថា ម្ចាស់ហាង មួយនេះបានលួចនាំ ចូលអំពូលភ្លើង ពីប្រទេសវៀតណាម ដោយ ខុសច្បាប់ ។

លោកទូច យុទ្ធា នាយការិយាល័យទី៣ នៃនាយកដ្ឋានប្រឆាំងបទល្មើសក្រសួងមហា ផ្ទៃ បានបញ្ជាក់ថា ប្រតិបត្ដិការចុះទៅឆែក ឆេរនៅហាង លក់គ្រឿងអគ្គិសនីខាងលើនេះ បានធ្វើឡើងក្រោយពីមាន ពាក្យបណ្ដឹងរបស់ ក្រុមហ៊ុនដើមនៃការនាំចូលអំពូលពីប្រទេស វៀតណាម ។

លោកទូច យុទ្ធា បានបញ្ជាក់ទៀតថា ក្រោយពីបញ្ចប់ប្រតិបត្ដិការ ចុះឆែកឆេររួច មក កម្លាំងសមត្ថកិច្ចរបស់លោក បានដកហូត អំពូលចំនួន ១០៦អំពូល យកទៅរក្សាទុក ដើម្បីចាត់ការតាមនីតិវិធី ។

យ៉ាងណាក៏ដោយ គេមិនទាន់ដឹងថា តើ សមត្ថកិច្ចមានវិធានការយ៉ាងណា ចំពោះម្ចាស់ទីតាំងនោះឡើយ ។

ផ្តល់សិទ្ធដោយ ដើមអម្ពិល