ភ្នំពេញ : ជនសង្ស័យពីរនាក់ បានធ្វើសកម្មភាព ឆក់ខ្សែកមិនបាន សំរេចពីកម្មការនី កំពុងជិះកង់តាម ផ្លូវត្រលប់ទៅផ្ទះ ត្រូវប្រជាពលរដ្ឋ ឃើញហេតុការណ៍ ព្រួតវ៉ៃក្បែរ សន្លប់រួចទើបប្រគល់ អោយ សមត្ថកិច្ច ។ ហេតុការណ៍ខាងលើនេះកើតហេតុ នៅវេលាម៉ោង6 និង30 នាទីថ្ងៃទី02 ខែមិថុនា ស្ថិត នៅតាម បណ្ដោយផ្លូវ ២៧១ កែងនិង៥១៤ ក្រុមទី១ សង្កាត់ផ្សារដើមថ្កូវ ខណ្ឌចំការមន ។

ជនសង្ស័យទាំងពីរទី១មានឈ្មោះ អ៊ុ ឡុង ភេទប្រុស អាយុ២២ ឆ្នាំ មុខរបរនៅផ្ទះ ស្នាក់នៅផ្ទះជួល ម្ដុំក្បាលថ្នល់ សង្កាត់ទន្លេបាសាក់ ខណ្ឌចំការមន ជាអ្នអង្គុយខាងក្រោយ ជនសង្ស័យទី២ ឈ្មោះ ពិន រដ្ឋា ភេទប្រុស អាយុ២៥ ឆ្នាំ មុខរបរបុគ្គលិកវីអាយភីក្លឹប ស្នាក់នៅ ផ្ទះជួល ម្ដុំក្បាលថ្នល់ សង្កាត់ ទន្លេបាសាក់ ខណ្ឌចំការមន ជាអ្នកបើកបរ ជាអ្នកធ្វើសកម្មភាពឆក់ ។

បើតាមប្រភពព័ត៍មានពីជនរងគ្រោះមានឈ្មោះ ហោន សុខគា ភេទស្រី អាយុ២៣ ឆ្នាំ មុខរបរកម្មការនី រោងចក្រមីនយ៉ាន ស្នាក់នៅផ្ទះ ជួល ម្ដុំវត្តប្រាសាទ ភូមិព្រះពន្លា សង្កាត់ព្រែកប្រា ខណ្ឌច្បារអំពៅ បានប្រាប់អោយដឹងថា មុនពេលកើតគឺ ជនរងគ្រោះបាន ចេញ ពីធ្វើ ការរោងចក្របីនាក់បង ប្អូន ដោយជិះកង់ស្រាប់តែមកដល់កន្លែងកើត ហេតុស្រាប់តែ មានជនសង្ស័យពីរនាក់ជិះម៉ូតូម៉ាក ស៊ុយសូគីឡែត ពណ៌ស ស្លាកលេខភ្នំពេញ 1CL 0353 បានធ្វើ សកម្មភាពឆក់ខ្សែកពីជនរងគ្រោះ រួចជិះរត់តែត្រូវជនរងគ្រោះ ស្រែកថាចោរៗ រួចក៏ត្រូវប្រជាពលរដ្ឋឃើញហេតុបាន ធាក់ដួលម៉ូតូ ជនសង្ស័យត្រូវប្រជាពលរដ្ឋ ដែលរស់នៅក្បែរកន្លែងកើតហេតុ រត់មកដេញចាប់បាន ជនសង្ស័យទាំង រួចប្រគល់ឲ្យសមត្ថិកិច្ច ។

ក្រោយពេលកើតជនរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាលផ្សាដើមថ្កូវ ចំណែក ជនសង្ស័យទាំងពីរកំពុងសាកសួរ នៅប៉ុស្តិ៍ នគរបាលផ្សាដើមថ្កូវ ដើម្បីបន្តនីតិវិធី ច្បាប់បញ្ចូនបន្ត ទៅតុលាការ ៕

ផ្តល់សិទ្ធដោយ ដើមអម្ពិល