ខេត្តព្រៃវែង ៖ ស្ត្រីបើកបររថយន្តស្លាប់ និងអ្នករួមដំណើររងរបួសធ្ងន់ បន្ទាប់ពីជួបហេតុការណ៍ គ្រោះថ្នាក់ចរាចរណ៍ មួយជិះបុករបាំងដែកសុវត្ថិភាព ដាក់តាមចិញ្ចើមផ្លូវ បណ្តាលឱ្យរថយន្តធ្លាក់ ផ្លូវចម្ងាយ១២០ម៉ែត្រ ដែលហេតុការណ៍នេះ កើតឡើងកាលពីវេលាម៉ោង០២ និង៣០ នាទី ទៀបភ្លឺថ្ងៃទី០៣ មិថុនា ២០១៥ ស្ថិតនៅចំណុច ខាងត្បូងលូទឹក ក្នុងភូមិព្រែកខ្សាយ ឃុំព្រែកខ្សាយ(ក) ខេត្តព្រៃវែង ។

ប្រភពបានឱ្យដឹងថា ជនរងគ្រោះដែល ស្លាប់ឈ្មោះអ៊ួ រដ្ឋា ភេទស្រី អាយុ៣៦ឆ្នាំ មានទីលំនៅក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ បើករថយន្តម៉ាកកាមរី ពណ៌ខ្មៅ ពាក់ស្លាកលេខ 2E-5083 និងរួមដំណើររងរបួស ធ្ងន់ឈ្មោះទូច ភេទប្រុស អាយុ ២៨ឆ្នាំ ។ ទោះបីជាយ៉ាងណា ជំហានដំបូងគេនៅមិនទាន់ដឹងពី មូលហេតុនៃគ្រោះថ្នាក់ចរាចរណ៍ នេះនៅឡើយទេ ។

ផ្តល់សិទ្ធដោយ កោះសន្តិភាព