កំពង់ឆ្នាំងៈនៅវេលាម៉ោង ៨និង៣០នាទីយប់ ថ្ងៃទី០១ ខែមិថុនា ឆ្នាំ២០១៥ លោកគ្រូបង្រៀន ម្នាក់បាន រងរបួសធ្ងន់ និងបានស្លាប់ខណៈ ពេលដឹក ទៅសង្គ្រោះ នៅមន្ទីរពេទ្យ បង្អែកខេត្ត ដោយសារជិៈម៉ូតូ ដួលដោយខ្លួនឯង របួសប្រអប់ជើង បាក់ឆ្អឹងជំនី២ និងបែកថ្លើម ។ហេតុការណ៏ គ្រោះថ្នាក់ចរាចរណ៍ ដួលម៉ូតូនេះបានកើតឡើង នៅផ្លូវក្រាលកៅស៊ូ ស្ថិតក្នុងភូមិកណ្តាល សង្កាត់ កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។

សមត្ថកិច្ចនគរបាលចរាចរណ៍ ក្រុងកំពង់ឆ្នាំង បានអោយដឹងថា បុរសរងគ្រោះ ជាគ្រូបង្រៀន មាន ឈ្មោះ សេង ចន្ថា អាយុ៥២ ឆ្នាំ មានទីលំនៅ ភូមិឃុំកើតហេតុខាងលើ។

សាក្សីបានឃើញហេតុការណ៍បាននិយាយថា គេបានឃើញជនរងគ្រោះ បើកម៉ូតូ ក្នុងស្ថានភាពស្រវឹង តាមផ្លូវកា្រល កៅស៊ូក្នុងខេត្តពីត្បូង មកជើង គឺសំដៅមកផ្ទះនិងបានដឹងថា បានជិៈម៉ូតូដួលម្តងហើយ។ ក្រោយមកជនរងគ្រោះបានលើកម៉ូតូព្យាយាមជិៈមកផ្ទះជាបន្តទៀត ប៉ុន្តែពេលមក ដល់ជិតផ្ទះក៏ សា្រប់តែ បានដួលម្តងទៀត បណ្តាលអោយរងរបួសធ្ងន់ ភា្លមនោះ សមត្ថកិច្ចនគរបាលប៉ុស្តិ៍ រដ្ឋបាល កំពង់ឆ្នាំង បានឃើញក៏បានជួយដឹកជនរងគ្រោះ ទៅកាន់មន្ទីរពេទ្យខេត្ត  ប៉ុន្តែពេលដល់ មន្ទីរពេទ្យខេត្ត ជនរងគ្រោះបានដាច់ ខ្យល់ ស្លាប់បាត់ទៅហើយ។

ក្រោយពេលពិនិត្យសព ជនរងគ្រោះហើយនោះ មន្ត្រីជំនាញបានសន្និដ្ឋានថា ជនរងគ្រោះពិតជាស្លាប់ ដោយសារដួលម៉ូតូពិតមែនគឺ របួសប្រអប់ជើង បាក់ឆ្អឹងជំនី២ និងបែកថ្លើម ដោយសារដៃ ម៉ូតូដួល ជុងដើមទ្រូង  ក្រោយពេលពិនិត្យសពជនរងគ្រោះហើយ សមត្ថកិច្ចបានប្រគល់សពជនរងគ្រោះ អោយក្រុមគ្រួសារធ្វើបុណ្យ តាមប្រពៃណីនៅសាលាបុណ្យភូមិកណ្តាល ក្បែរផ្ទះជនរងគ្រោះ ៕

ផ្តល់សិទ្ធដោយ ដើមអម្ពិល