ហាងជប៉ុនដំបូងបង្អស់ Flaxus Tokyo ត្រៀមចេញខោអាវយុវវ័យ Brand «ឱក សុគន្ធកញ្ញា»
Flaxus Tokyo ហាងខោអាវកាលីបបែបជប៉ុនដំបូងបង្អស់នៅកម្ពុជា ថានឹងជ្រើសយកតារាចម្រៀងស្រីនាំមុខនៅផលិតកម្មរស្មីហង្សមាស ឱក សុគន្ធកញ្ញា ដើម្បីប្រើប្រាស់ឈ្មោះនាងធ្វើជាម៉ាក (Brand)សំលៀកបំពាក់ដ៏ថ្មីសន្លាងមួយ នៅពេលហាងដ៏ធំនឹងលេចឡើងនៅ ផ្សារទំនើបអ៊ីអនម៉លក្នុងរាជធានីភ្នំពេញ ដែលនឹងបើកដំណើរការនៅខែកក្កដាខាងមុខ។
ជាងមួយទសវត្សមកហើយ ដែលម្ចាស់បទ «យុត្តិធម៌គ្មានសម្រាប់អ្នកស្មោះ» បានឈរយ៉ាងរឹងមាំនៅតំណែងតារាស្រីសំឡេងលំដាប់មុខ នៅកម្ពុជា និងលោមព័ទ្ធដោយការគាំទ្រគ្រប់ទិសទីពីយុវវ័យ។ កេរ្តិ៍ឈ្មោះបាចសាចយ៉ាងជោកជាំក្នុងសង្គម ពិសេសស្រទាបមនុស្សជំនាន់ថ្មីទាំងនេះឯង ដែលនាំឲ្យនាងនឹងក្លាយជា Brand ខោអាវនៅ Flaxus Tokyo ហាង ដែលកើតចេញពីការចាប់ដៃរវាងក្រុមហ៊ុននាំមុខទីផ្សារសំលៀកថ្លៃៗនៅកម្ពុជា Sovereign Retail Group ជាមួយក្រុមហ៊ុន World Co., Ltd ដ៏ធំ និង ល្បីល្បាញបំផុត ដោយមានហាងចែកចាយខោអាវ Fashion យុវវ័យជាងពីរពាន់ហាង នៅជប៉ុន។
លោក Radachi តំណាងក្រុម World Co., Ltd ថាជាក្ដីរំភើបសម្រាប់យុវវ័យដែលហាង Flaxus Tokyo នឹងបង្កើត Brand ខោអាវដ៏ថ្មីសន្លាងមួយ ដើម្បីបម្រើជូនកម្ពុជា ដោយនឹងប្រើឈ្មោះតារាចម្រៀងសម្បូរការគាំទ្រ ឱក សុគន្ធកញ្ញា (ASK) តែម្ដង។
មិនមែនមានតែខោអាវស៊ីវិល័យដែលប្រើប្រាស់ Brand របស់ ឱក សុគន្ធកញ្ញា ទេ តែហាងជាន់ផ្ទាល់ដីនៅផ្សារទំនើបគ្រោងសម្ពោធខែកក្កដាមួយនេះ ក៏នឹងនាំម៉ាកសំលៀកបំពាក់ ជាច្រើនទៀត ដែលកំពុងល្បីនិងពេញនិយមនៅ ជប៉ុន ដូច OZOC និង TK ជាដើម។
លោក Ly Souden ប្រធានក្រុម Sovereign Retail Group ក្រុមហ៊ុននាំមុខការផ្គត់ផ្គង់ខោអាវម៉ាកល្បីនៅកម្ពុជា ដែលជាដៃគូរបស់ World Co., Ltd ថាវត្តមានហាងថ្មីនឹងនាំមកនូវសំលៀកបំពាក់ជាទីពេញចិត្ត ដល់យុវវ័យខ្មែរ។ World ផ្គត់ផ្គង់ខោអាវម៉ាកប្រណិតៗជាង១០០ម៉ាក ហើយ Flaxus Tokyo នឹងជ្រើសរើសម៉ាកមួយចំនួន មកលក់នៅកម្ពុជាក្នុងតម្លៃសមរម្យ ដែលមានចាប់ពីប្រមាណ ២៥ដល់ជាង១០០ដុល្លារ។ លោក Ly Souden បន្ថែមអ្វីដែលជាក្ដីរំពឹងរបស់ទីផ្សារលោក៖ “យុវវ័យសព្វថ្ងៃកំពុងពេញនិយមខ្លាំងលើម៉ូតខោអាវ របស់កូរ៉េ របស់ជប៉ុនជាខ្លាំង។ តាមរយៈម៉ូដបែបអាស៊ីសម្រាប់យុវវ័យ និងតម្លៃសមរម្យយើងជឿជាក់ថា Flaxus Tokyo នឹងទទួលការគាំទ្រជាមិនខាន”។
លោក Radachi (ស្ដាំ) និង លោក Ly Souden
ក្រោយការប្រកាសជាផ្លូវការនៅសណ្ឋាគារ ឡឺរ៉ូយ៉ាល់ យប់មិញនេះ Flaxus Tokyo នឹងដំណើរការ នៅផ្សារទំនើបបែបជប៉ុន អ៊ីអនម៉ល ដែលប្រមូលផ្ដុំសេវាកម្មនិងហាងលំដាប់ៗ ដែលនឹងបើកសម្ពោធនៅពេលដ៏ខ្លី ខាងមុខ៕
ប្រភព Sabay
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
