ចិន៖ កុមារាអាយុ ២ឆ្នាំម្នាក់ ត្រូវបានជួយសង្គ្រោះ ទាន់ពេលវេលា បន្ទាប់ពី បានធ្លាក់ ចូលក្នុង អណ្តូង ដ៏តូច និង មានជម្រៅ ដ៏ជ្រៅ មួយកន្លែង នៅការដ្ឋាន សាងសង់មួយ អស់រយៈ ២០ម៉ោង ។

យោងតាមប្រភពព័ត៌មាន បានឲ្យដឹងថា ហេតុការណ៍នេះ កើតឡើងនៅក្នុង ខេត្តសានស៊ី ដោយកុមារាអាយុ ២ឆ្នាំម្នាក់ បានធ្លាក់ ចូលក្នុងអណ្តូង ដែលមានប្រវែង ប្រហែល ៣០ទៅ ៤០សង់ទីម៉ែត្រ និងមាន ជម្រៅ ទៅដល់ ៤០ម៉ែត្រ អស់រយៈពេល ២០ម៉ោង ទើបត្រូវគេជួយ សង្គ្រោះបាន ។

ប៉ូលិស និង អ្នកជួយសង្គ្រោះ ជាង ១០០នាក់ បានទៅកន្លែងកើតហេតុ ដើម្បីជួយកុមារារងគ្រោះ ហើយក្រុមអ្នកជួយសង្គ្រោះ បានចំណាយ អស់រយៈពេល ជាច្រើនម៉ោង ទើបអាចជួយ កុមារារងគ្រោះបាន ដោយសារតែ ទំហំអណ្តូង ដែរកុមារានេះ បានធ្លាក់ចុះនោះ មានទំហំតូច ពេក ជាហេតុធ្វើឲ្យ ក្រុមជួយសង្គ្រោះ ត្រូវជីកដី ឲ្យមានប្រហោងធំ ផ្សេងមួយទៀត នៅក្បែរអណ្តូងនោះ ដើម្បីអាចចុះទៅ ជួយកុមារានេះ បាន ។

ទោះបីជាយ៉ាងណា កុមារារងគ្រោះ ត្រូវបានជួយសង្គ្រោះ ចេញពីក្នុងអណ្តូង ទាន់ពេល ហើយត្រូវបាន បញ្ជូនទៅ កាន់មន្ទីរពេទ្យ ដើម្បីសង្គ្រោះ បន្តផងដែរ ៕

សកម្មភាព ក្រុមជួយសង្គ្រោះកំពុងជួយ កុមារារងគ្រោះ

ប្រភព បរទេស

ដោយ៖ ទីន

ខ្មែរឡូត