រាជធានីភ្នំពេញ ៖ រថយន្តបែនដឹកដី ពណ៌ទឹកប៊ិច ឆ្នូតក្រហម ពាក់ស្លាកលេខ ភ្នំពេញ៣A១៣៦៥ មួយគ្រឿងបើកសុខៗ ស្រាប់តែដាច់កង់រមៀល ចេញទៅប៉ះនឹងម៉ូតូម៉ាកគុបមួយគ្រឿង ហើយរថយន្តបានក្រឡាប់ចាក់ដី ចោលកណ្តាលផ្លូវបណ្តាលឱ្យ មនុស្ស២នាក់រងរបួស។

ហេតុការណ៍នេះបានកើតឡើង កាលពីវេលាម៉ោង២រសៀល ថ្ងៃទី២២ ឧសភា នេះ នៅចំណុចផ្លូវភ្នំពេញ-ហាណូយ ស្ថិតក្នុងសង្កាត់ឃ្មួញ ខណ្ឌសែនសុខ។

តាមសាក្សីឱ្យដឹងថា មុនពេលកើតហេតុគេ ឃើញរថយន្តដឹកដីធ្វើដំណើរ ពីជើងទៅត្បូងក្នុងល្បឿនលឿន ពេលមកដល់ចំណុច កើតហេតុមិនដឹងយ៉ាងម៉េចស្រាប់តែ ដាច់កង់រមៀលចេញ ទៅប៉ះម៉ូតូម៉ាកគុបC90 ដែលធ្វើដំណើរពីក្រោយ បណ្តាលឱ្យម៉ូតូ ដួលរងរបួស ហើយរថយន្តបានក្រឡាប់ ចាក់ដីចោលតែម្តង ៕

ផ្តល់សិទ្ធដោយ កោះសន្តិភាព