ភ្នំពេញៈ បុរសម្នាក់ត្រូវបាន កម្លាំងនគរបាល ធ្វើការឃាត់ខ្លួន រួមជាមួយកាំភ្លើង អាកាស្វាយបត់ មួយដើម ដែលលាក់ទុក អស់ជាង៤ឆ្នាំ បន្ទាប់មានជម្លោះជាមួយប្អូនថ្លៃ ហើយបានទម្លាយ ថាមានលាក់អាវុធនេះឡើង។ ហេតុការណ៍នេះបានកើតឡើង នៅ១១ ថ្ងៃទី២១ ខែឧសភា ឆ្នាំ២០១៥ ស្ថិតភូមិកោរដូនតី ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។

ជនសង្ស័យដែលកម្លាំងសមត្ថកិច្ចធ្វើការឃាត់ខ្លួនមានឈ្មោះ ពែក ប៉ន ភេទប្រុស អាយុ៣៥ឆ្នាំ មុខរបរធ្វើស្រែ រស់នៅភូមិភូមិកោរដូនតី ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ។

តាមប្រភពព័ត៌មានបានឲ្យដឹងថា នៅមុនពេលកើតហេតុ ជនសង្ស័យមានជម្លោះជាមួយ ប្អូនថ្លៃជីដូនមួយរស់នៅភូមិជាមួយគ្នា ដោយបានវាយតបគ្នា ហើយក៏បាន ទម្លាយថាខ្លួន មានលាក់កាំភ្លើងអាកាស្វាយបត់មួយដើម អស់រយៈពេល៤ឆ្នាំហើយ ទើបនគរបាល ឃាត់ខ្លួនតែម្តង។

បច្ចុប្បន្នជនសង្ស័យត្រូវបានឃាត់ខ្លួន ដើម្បីកសាងសំនុំរឿងដោះស្រាយតាមនីតិវិធីច្បាប់៕

ផ្តល់សិទ្ធដោយ ដើមអម្ពិល