ភ្នំពេញ៖ បុរសម្នាក់ ដែលប្រជាពលរដ្ឋ អះអាងថា មានអាយុជាង ៣០ឆ្នាំ បានបើករថយន្ដ ហ្វតរ៉េងជើ ពណ៌ខ្មៅ ពាក់ស្លាកលេខ ភ្នំពេញ 2Z-3345 ទៅចតនៅខាងត្បូង ព្រះអង្គដងកើ តាមបណ្ដោយ ផ្លូវព្រះស៊ីសុវត្ថិ សង្កាត់ជ័យជំនះ ខណ្ឌដូនពេញ រួចហើយបើក ទ្វារទៅលោតទឹក សម្លាប់ខ្លួនតែម្ដង បង្កឱ្យមាន ការភ្ញាក់ផ្អើលយ៉ាងខ្លាំង ដែលមានការចោម រោមមើលពីសំណាក់ ប្រជាពលរដ្ឋជា ច្រើននាក់ នៅទីនោះ ។

ហេតុការណ៍នេះ បានកើតឡើង កាលពីវេលាម៉ោង ៣រសៀល ថ្ងៃទី២០ ខែឧសភា ឆ្នាំ២០១៥ ។ យោងតាមប្រភព ព័ត៌មានពី សាក្សីបាន បញ្ជាក់ថា បុរសរូបនេះ បានបើករថយន្ដតែ ម្នាក់ឯងឆ្ពោះទៅ មាត់ទន្លេ រួចហើយទៅ លោតទឹកសម្លាប់ខ្លួន ដោយគ្មាននរណាម្នាក់ ស្គាល់ពីអត្ដសញ្ញាណ និងមូលហេតុ ដែលនាំ ឱ្យជនរងគ្រោះ ធ្វើបែបនេះឡើយ ។

ក្រោយពីមានការ ភ្ញាក់ផ្អើលបានធ្វើឱ្យ អាជ្ញាធរនិង សមត្ថកិច្ចខណ្ឌដូនពេញ ចុះទៅ ជួយអន្ដរាគមន៍ភ្លាមៗ ដោយជួលក្រុមមុខ ទឹករាវរក ជនរងគ្រោះ ហើយបានព្យាយាម ស្វែងរកក្រុមគ្រួសារ និងសាច់ញាតិ ដើម្បីសួរ នាំពីមូលហេតុ ។ នៅកន្លែងកើតហេតុ ជនរងគ្រោះបាន បន្សល់ស្បែកជើងប៊ូ មួយគូផងដែរ ។

នេះជាករណីធ្វើ អត្ដឃាតគួរឱ្យភ្ញាក់ផ្អើល នៅពេលដែលជនរងគ្រោះ បើករថយន្ដ ស៊េរីទំនើប តម្លៃរាប់ម៉ឺនដុល្លារ ទៅលោតទឹក សម្លាប់ខ្លួនយ៉ាងដូច្នេះ ពោលធ្លាប់តែ ឃើញជនរងគ្រោះ នាពេលកន្លងទៅនាំគ្នា ជិះម៉ូតូឌុប ជិះម៉ូតូកង់ និងដើរទៅលោតទឹក ។រហូតមកដល់វេលា ម៉ោង៣និង៤០នាទី រសៀលថ្ងៃទី២០ ខែឧសភា ឆ្នាំ២០១៥ ជន រងគ្រោះមិនទាន់ ត្រូវបានរកឃើញ នៅឡើយទេ ៕

ផ្តល់សិទ្ធដោយ ដើមអម្ពិល