ខេត្តកំពង់ស្ពឺ ៖ បុរសជាកម្មករ អូសខ្សែភ្លើងម្នាក់ ត្រូវខ្សែភ្លើងឆក់ ស្លាប់ពេលឡើង តខ្សែលើបង្គោល ដែលមានខ្សែភ្លើង ស្អេកស្កះ។ បន្ទាប់ ពី ឆក់ខ្សែភ្លើងស្លាប់សព ត្រូវបានក្រុមហ៊ុន ដឹកចេញទៅវិញ ភ្លាមៗដែរ។

ហេតុការណ៍នេះបង្កឱ្យភ្ញាក់ផ្អើលកាលពីវេលាម៉ោង៩ និង៣០នាទីព្រឹក ថ្ងៃទី២០ ឧសភា ២០១៥ នៅ ក្នុងផ្សារត្រពាំងអំពិល ស្ថិតក្នុងភូមិ ត្រពាំងអំពិល ឃុំត្រពាំងគង ស្រុកសំរោងទង។

ជនរងគ្រោះឈ្មោះហង់ ហៀង ភេទប្រុស អាយុ២២ឆ្នាំ មានស្រុក កំណើតនៅភូមិថ្មី ឃុំត្រាប់ ស្រុក បាធាយ ខេត្តកំពង់ចាម បច្ចុប្បន្នស្នាក់ នៅជាមួយ ថៅកែភ្លើង ឈ្មោះហុង នៅខេត្តកំពង់ស្ពឺ។

ក្រុមអាជីវករលក់ដូរនៅកន្លែងកើតហេតុបានឱ្យដឹងថា មុនពេលកើតហេតុគេ បានឃើញក្រុមជាងរបស់ ខាងអគ្គិសនីបានអូសខ្សែ ភ្លើងកាត់ តាមផ្លូវ ហើយមួយសន្ទុះក្រោយ មកគេឃើញបុរសម្នាក់ បានឡើងទៅលើ បង្គោលភ្លើង ក្នុងបំណងចងខ្សែភ្លើង តែពេលឡើងដល់ លើក៏ត្រូវ ខ្សែភ្លើងឆក់បណ្តាល ឱ្យប្រកាច់នៅលើនោះ តែម្តង។

ឃើញដូច្នេះប្រជាពលរដ្ឋក៏បានរាយការណ៍ប្រាប់សមត្ថកិច្ច រីឯខាងអគ្គិសនីបានបិទភ្លើងមួយរយៈ និងបាន ឱ្យបុរស ២នាក់ទៀត ឡើងទៅ លើបង្គោលភ្លើង ដើម្បីយកជនរងគ្រោះ ចុះមកក្រោម។ ប្រភពបន្តថា ពេលដាក់ជន រងគ្រោះមកដល់ដី គេបានធ្វើចលនា សង្គ្រោះ និងយក ដីសើមមក ចាក់លើខ្លួនដែរ តែមិនអាចជួយ បានឡើយ៕

ផ្តល់សិទ្ធដោយ កោះសន្តិភាព