កំពង់ស្ពឺៈ ដោយសារតែខឹង នឹងក្មួយសាច់ថ្លៃ បុរសម្នាក់យកពូថៅ ទៅវាយបណ្តាលឲ្យរងរបួស ហើយ ត្រូវបាន គេដឹកយកទៅសង្គ្រោះ នៅ មន្ទីរពេទ្យ។ ដើមចមដែលបង្ក ឲ្យមានអំពើហិង្សានេះ គឺបណ្តាល មកពី បុរសខាងលើខឹងនឹង ក្មួយប្រុសសាច់ថ្លៃ បើកម៉ូតូទៅបុក របស់ផ្ទះរបស់ខ្លួន កាលពី ថ្ងៃទី១៧ និង៣០នាទី ថ្ងៃទី១៧ ខែឧសភា ឆ្នាំ២០១៥ ត្រង់ចំណុចមុខផ្ទះរបស់ជនបង្ក ភូមិ ត្រពាំងខ្យង ឃុំត្រពាំង គង ស្រុកសំរោងទង ខេត្តកំពង់ស្ពឺ។

ជនសង្ស័យមានឈ្មោះ សេង វិសាល ហៅទុំ ភេទប្រុស អាយុ៣១ឆ្នាំ មានទីលំនៅក្នុង ភូមិឃុំកើត ហេតុខាងលើ ត្រូវជាពូសាច់ថ្លៃរបស់ ជនរង គ្រោះ។ ចំណែកជនរងគ្រោះ ឈ្មោះ ហ៊ីម ហៀង ភេទប្រុស អាយុ២១ឆ្នាំ ត្រូវជាប្តីរបស់ក្មួយស្រីបង្កើត ស្នាក់ភូមិឃុំកើតហេតុ ជាមួយគ្នា។

តាមប្រភពព័ត៌មានបានឲ្យដឹងថា ជនរងគ្រោះដែលត្រូវជាក្មួយសាច់ថ្លៃ គឺមានចារឹកកោងកាច ហើយមិន សូវគោរពអ្នកដទៃរូបនេះ បានបើកម៉ូតូ ១គ្រឿង ក្នុងបំណងមក បុករបងផ្ទះរបស់ ជនសង្ស័យដើម្បី បញ្ឈឺចិត្តពូក្មេក ដោយមានការខឹងនឹងក្មួយសាច់ថ្លៃ ដែលធ្វើ សកម្មភាពបែបនេះ ជនសង្ស័យ បានយកពូថៅ ទៅវាយលើជនរងគ្រោះបណ្តាលឲ្យរងរបួសធ្ងន់ ហើយត្រូវបាន គេដឹកយក ទៅសង្គ្រោះ នៅមន្ទីរពេទ្យ។

ក្រោយធ្វើសកម្មភាព ជនសង្ស័យ បាត់រត់គេចខ្លួនបាត់ស្រមោល ។ ចំណែកជនរងគ្រោះ បានដាក់ពាក្យ បណ្តឹង ដើម្បីដោះស្រាយតាម នីតិវិធី ច្បាប់៕

ផ្តល់សិទ្ធដោយ ដើមអម្ពិល