ខេត្តព្រះវិហារ ៖ ស្ត្រីម្នាក់គិតខ្លី ព្រោះតែមាន វិបត្តិផ្លូវចិត្ត ធ្ងន់ធ្ងរពេក គួបផ្សំ នឹងភាពក្រីក្រ និងមានជំងឺប្រចាំកាយ រ៉ាំរ៉ៃ ទៀតនោះ បានសម្រេចចិត្តចង.ក ធ្វើអត្តឃាត នៅក្នុងខ្ទមស្បូវ មួយកន្លែង ស្លាប់ ដោយបន្សល់ កូនប្រុស អាយុ១ឆ្នាំ និងប្តី មានជំងឺ រស់នៅយ៉ាងវេទនា។

ហេតុការណ៍នេះ កើតឡើង កាលពីវេលាម៉ោង ០៥ និង០៥ល្ងាច ថ្ងៃទី១៧ ឧសភា ២០១៥ ស្ថិតនៅភូមិ តាមែន ហៅភូមិពោធិ៍ ឃុំពោធិ៍ ស្រុកត្បែងមានជ័យ ខេត្តព្រះវិហារ ។

ប្រភព បានឱ្យដឹងថា ស្ត្រីរងគ្រោះ មានឈ្មោះយឿន យ៉ា អាយុ២៤ឆ្នាំ មានស្រុកកំណើត នៅស្រុក មោងប្ញស្សី ខេត្តបាត់ដំបង ។

បើតាមការឱ្យដឹង ពីអ្នកភូមិ បានឱ្យដឹថា គ្រួសារប្តី-ប្រពន្ធនេះ បានមករស់នៅ ក្នុងខ្ទមស្បូវនេះរយៈពេល ៦ខែ មកហើយ ដោយប្រកប របរស៊ីឈ្នួល កាប់ឈើ និងអារឈើ ឱ្យគេ គ្រាន់បានកម្រៃ ទិញអង្ករហូប ដោយរកព្រឹកខ្វះល្ងាច ។ គ្រួសារនេះ មានជំងឺប្រចាំកាយ ទាំង២នាក់ តែម្តង គួបផ្សំភាពក្រីផង ទើបស្ត្រីខាងលើ គិតខ្លី សម្រេចចង.ក បញ្ចប់ជីវិតតែម្តង។

ផ្តល់សិទ្ធដោយ កោះសន្តិភាព