ពោធិ៍សាត់៖ ប្តី-ប្រពន្ធមួយគូបានស្លាប់បាត់បង់ជីវិតភ្លាមៗ លើដងវិថីមុខសាខាកាកបាទក្រហមកម្ពុជា ខេត្តពោធិ៍សាត់ ដោយសាររថយន្ត ម៉ាកកាម៉ារីពណ៌ស្លែ បើកបុកពួកគេពេញទំហឹង ពេលកំពុងធ្វើដំណើរ តាមម៉ូតូ នាវេលាម៉ោង ៥ និង៣០នាទីល្ងាចថ្ងៃទី១៧ ខែឧសភា ឆ្នាំ ២០១៥នេះ។

បើតាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេឃើញ រថយន្តម៉ាកកាម៉ារី ពាក់ ស្លាកលេខ ពោធិ៍សាត់ ២A-១៧៧១ បើកបរ យ៉ាងលឿនក្នុងទិសដៅពីកើតទៅលិច។ លុះបើកដល់ចំណុច កើតហេតុ ជនរង គ្រោះ ដែលធ្វើដំណើតាមម៉ូតូ បានបើកម៉ូតូ ជិះឡើង ជែងម៉ូតូ សណ្តោងរឺម៉ក មួយ គ្រឿងទៀត ហើយក៏រ៉េចង្កូត ចូល រថយន្តកំពុងបើកបរយ៉ាងលឿនបញ្រ្ចាស់ទិសគ្នា បណ្តាលឲ្យ ជនរងគ្រោះ ទាំងពីរនាក់ ប្តីប្រពន្ធ ស្លាប់ភ្លាមៗនៅ កន្លែងកើតហេតុ។

ចំណែកអ្នកបើកបររថយន្ត ក្រោយជួបឧប្បត្តិហេតុគ្រោះថ្នាក់ចរាចរណ៍ ក៏ចុះពីរថយន្តគេចខ្លួនបាត់ទៅ។ សមត្ថកិច្ច មិនទាន់បញ្ជាក់ពី អត្តសញ្ញាណជនរងគ្រោះទាំងពីរនាក់ ប្តីប្រពន្ធនៅឡើយទេ៕

ផ្តល់សិទ្ធដោយ ដើមអម្ពិល