ចិន៖ ប្រភពពីសារព័ត៌មានចិន ឲ្យដឹងថា បុរសម្នាក់ បានសម្លាប់អារ-ក មិត្តស្រីរបស់ខ្លួន យ៉ាងសាហាវ នៅទីសាធារណ: និងទាំងកណ្តាលថ្ងៃភ្លឺចេស ស្ថិតនៅក្នុងទីក្រុង សេងចូវ។

បុរសម្នាក់ បានធ្វើសកម្មភាព អារ-ក សម្លាប់មិត្តស្រី របស់ខ្លួនដោយកាំបិត សាចឈាមយ៉ាងកក្លាក់ នៅលើផ្លូវសាធារណ: ដែលកំពុងតែមានមនុស្ស ធ្វើដំណើរ យ៉ាងមមាញឹក។ យោងតាមសាក្សី នៅកន្លែងកើតហេតុ បានឲ្យដឹងថា ជននេះ បានចាក់នារីរងគ្រោះ ជាមិត្តស្រីវ័យ២០ឆ្នាំ ចំនួន ៤កាំបិតបន្ថែមទៀត ក្រោយពេល ចាប់អារ-ក សម្លាប់រួច។ ប្រភពព័ត៌មាន ឲ្យដឹងទៀតថា ក្រោយពេលធ្វើសកម្មភាពរួច ជននេះ បានអារ-កដៃខ្លួនឯង និងបានសន្លប់បាត់ស្មារតី នៅនឹងកន្លែង។ ក្រោយពេលកើតហេតុ ១០នាទី ប៉ូលិសបានទៅដល់ និងធ្វើការហ៊ុំព័ទ្ធទីតាំងកើតហេតុ ទាំងមូល ព្រមទាំងបានចាប់បញ្ជូន ជនបង្ក ទៅកាន់មន្ទីរពេទ្យ ដើម្បីសង្គ្រោះជីវិត។

យ៉ាងណាមិញ បើតាមសម្តីប្រជាពលរដ្ឋក្នុងតំបន់ បានប្រាប់ដល់ អ្នករាយការណ៍ព័ត៌មាន ឲ្យដឹងថា ពួកគេជាគូស្នេហ៍នឹងគ្នា ហើយករណីដ៏សាហាវនេះ អាចបណ្តាលមកពី មូលហេតុនៃចំណងស្នេហាពួកគេ នាពេលថ្មីៗនេះ មានភាពរកាំរកូសនឹងគ្នា៕

ប្រភព៖ Shanghaiist

ដោយ សី

ខ្មែរឡូត