ចិន៖ ក្មេងប្រុសម្នាក់ ឈ្មោះ Zhao Zehong បានកើតមក ដោយមាននូវជំងឺ មួយប្រភេទ ដែលធ្វើឲ្យរូបគេ មិនអាច ផ្លាស់ទី ឬក៏ដើរដោយ ខ្លួនឯងបាននោះទេ។

ដើម្បីព្យាបាលជំងឺ ស្រ្តីជាម្តាយ ឈ្មោះ Zhang Yuankang បាននាំកូន ទៅរក គ្រូពេទ្យជាច្រើនកន្លែង កន្លងមក ហើយក្រៅពីការនាំកូន ទៅរក គ្រូពេទ្យ ដើម្បីព្យាបាលជំងឺ អ្នកស្រី Zhang បានឲ្យកូនប្រុស របស់នាង ឱប.ក ពីខាងក្រោយ ដើម្បីអៀវកូនខ្លួន ទៅសាលាជារៀងរាល់ថ្ងៃ ដោយក្នុងនោះ ត្រូវឆ្លងកាត់ផ្លូវ ដ៏គ្រោះថ្នាក់ ព្រោះតែនាងដឹងថា កូនប្រុសចង់រៀន។

«ខ្ញុំមិនដឹងថា តើគាត់អាចរៀន នៅទីនោះ ដល់ពេលណានោះទេ ហើយខ្ញុំក៏មិនដឹងដែរថា តើកូនរបស់ខ្ញុំ រស់ដល់ពេលណាដែរ ប៉ុន្តែបើសិនជា គេនៅតែមានចិត្ត ចង់រៀន ខ្ញុំសុខចិត្តឲ្យគេឱប.ក និងជូនគេទៅរៀន រហូតដល់ថ្ងៃខ្ញុំស្លាប់” ។ អ្នកស្រី Zhang Yuankang បានប្រាប់យ៉ាងដូច្នេះ៕

ស្រ្តីជាម្តាយឈ្មោះ Zhang Yuankang និងកូនដែលកើតជំងឺខ្សោយសាច់ដុំ


Zhang កំពុងសំរាកនៅតាមផ្លូវដែលជូនកូនទៅរៀន


ទិដ្ឋភាពផ្លូវទៅសាលារបស់ ក្មេងប្រុសម្នាក់ឈ្មោះ Zhao Zehong


Zhao Zehong និងក្មេងដទៃទៀតកំពុងធ្វើដំណើរទៅសាលា


Zhang កំពុងឲ្យកូនឱបក ឡើងទៅថ្នាក់រៀន


Zhang ជូនកូនទៅរៀន នឹងត្រលប់មកផ្ទះវិញជារៀងរាល់ថ្ងៃ កាត់ព្រៃកាត់ភ្នំ

ប្រភព៖ បរទេស

ដោយ៖ រ័ត្ន

ខ្មែរឡូត