កណ្តាល ៖ ជនសង្ស័យម្នាក់ ត្រូវបាននគរបាលឃាត់ខ្លួន បន្ទាប់ពីធ្វើសកម្មភាព ដេញកាប់ម្តាយ ដោយ សារស្រឹបស្រា កាលពីវេលាម៉ោង ១៩និង៣៥នាទី ថ្ងៃ៩ខែឧសភា ឆ្នាំ២០១៥ ស្ថិតនៅចំណុចភូមិ ព្រែកពោធិ ឃុំទឹកវិល ស្រុកស្អាង ខេត្តកណ្តាល។

មន្ត្រីនគរបាលបានឲ្យដឹងថា ជនរងគ្រោះឈ្មោះ ជួប ឌីណា ភេទស្រី អាយុ៥១ឆ្នាំ ជនជាតិខ្មែរ មុខរបរ កសិករ (ត្រូវជាម្តាយ)មានទីលំនៅ ភូមិ ឃុំ កើតហេតុខាងលើ ចំណែកឯជនសង្ស័យឈ្មោះ ខុម ចិន្តា ភេទប្រុស អាយុ25ឆ្នាំមានមុខមុខរបរ ស៊ីឈ្នួលគេ មានទីលំនៅភូមិ ឃុំ កើតហេតុជាមួយគ្នា ។
មន្ត្រីនគរបាលបាន បន្តទៀតថា មុនពេលកើតហេតុឈ្មោះ ខុម ចិន្តា បានផឹកស្រាស្រវឹងស្រាជោគ ហើយបានមកដល់ផ្ទះរួចហើយ រកបាយហូប អត់មានបាយហូប ក៏បានរករឿងឈ្លោះ ប្រកែកជាមួយ ម្តាយ ឈ្មោះជួប ឌីណា ពេលនោះឈ្មោះ ខុម ចិន្តា ក៏បានយកក្បាល វីស៊ីឌី និងបាស់បោក ទៅលើដី បណ្តាលឲ្យខូចខាត រួចយកកាំបិត ប៉ាំងតោដេញកាប់ម្តាយ តែកាប់មិនត្រូវទេ ដោយសារម្តាយរត់រួចខ្លួន ភ្លាមនោះសមត្ថកិច្ចប៉ុស្តិ៍ទឹកវិល បានចុះទៅដល់អន្តរាគមន៍ ដល់កន្លែងកើតហេតុ រួចឃាត់ជន សង្ស័យមកធ្វើការសាកសួរ និងកសាងសំណុំ រឿងទៅតាមនិតិវិធីច្បាប់។

មន្ត្រីនគរបាលបានបញ្ជាក់ថា កន្លងមកជនសង្ស័យតែងតែផឹកស្រាស្រវឹង រួចហើយរករឿងវាយ ក្រុមគ្រួសារជារឿយ៕

ផ្តល់សិទ្ធដោយ ដើមអម្ពិល