អាហ្វ្រិកខាងត្បូង៖ នេះជារឿងមិននឹកស្មានដល់មួយ ដែលបុរសម្នាក់ ត្រូវបានស្ត្រីបីនាក់ ប្រើអាវុធ ចាប់បង្ខំ រំលោភ និង ឆ្លៀត លួចច្រក ទឹកកាម របស់ បុរសរងគ្រោះ ទុកក្នុងថង់បា្លស្ទិច  ថែមទៀត ។

តាមប្រភពព័ត៌មានបានឲ្យដឹងថា រឿងហេតុដ៏កម្រកើតមាននេះ បានកើតឡើង នៅក្នុង ទីក្រុង Kwazakhele ប្រទេស អាហ្វ្រិកខាងត្បូង ដែលបុរសវ័យ ៣៣ឆ្នាំ ជាជនរងគ្រោះរូបនេះ បាន រៀបរាប់ប្រាប់ ប៉ូលិសក្នុងតំបន់ថា ខណៈពេលគាត់ កំពុងតែដើរ លើដងផ្លូវមួយ ក្នុងទីក្រុង ស្រាប់តែមាន ស្ត្រី៣នាក់ បានជិះឡាន BMW មួយគ្រឿង មកចតជិតគាត់ ហើយពួកនាង ក៏សួររកផ្លូវ ដោយពួកនាងថា វង្វេងផ្លូវ  ហើយនៅពេលនោះ គាត់បានចង្អុលប្រាប់ផ្លូវ ស្រាប់តែភ្លាមៗនោះ ក៏មានស្ត្រីម្នាក់ បានយកកំាំភ្លើង មកភ្ជង់គំរាមបាញ់គាត់ ហើយក៏បង្ខំឲ្យគាត់ ឡើងលើឡាន BMW របស់ពួកនាង តែម្តង។

បុរសវ័យ ៣៣ឆ្នាំរូបនេះ រៀបរាប់បន្តថា គាត់ត្រូវបានស្ត្រី ទាំងបីនាក់នោះ បើកឡានដឹក ចេញទៅចំងាយ ៥០០ម៉ែត្រ ហើយនារីទាំងបីនាក់នោះ ក៏បានស្ទាបអង្អែល និង បង្ខំឲ្យគាត់ រួមភេទជាមួយ នៅក្នុងឡាន ប៉ុន្តែដោយសារគាត់ មានអារម្មណ៍ភិតភ័យ ទើបគ្មានអារម្មណ៍រួមភេទ ក៏ត្រូវពួកនាង បង្ខំគាត់ ឲ្យផឹកសារធាតុរាវម្យ៉ាង ហើយក្រោយពីផឹកភ្លាម គាត់ក៏មានអារម្មណ៍ ផ្លូវភេទតែម្តង។ បន្ទាប់មក ពួកនាងក៏បាន បង្ខំចាប់រំលោភគាត់ ម្តងម្នាក់ៗ។

បុរសរងគ្រោះ រូបនេះ បញ្ជាក់បន្ថែមថា ក្រោយរួមភេទហើយ ពួកនាង ក៏ប្រមូលទុក ទឹកកាម របស់គាត់ ដោយច្រកចូល ក្នុងថង់បា្លស្ទិច និង ដាក់ចូល ក្នុងធុងក្លាសេ្សមួយ ហើយបន្ទាប់មក ក៏ទម្លាក់គាត់ ចុះពីក្នុងឡាន និង បើកឡានចេញ ទៅបាត់ស្រមោល តែម្តង ។

បុរសវ័យ ៣៣ឆ្នាំនេះ ក៏ទៅរាយការណ៍ រឿងនេះដល់ប៉ូលិស ក្នុងតំបន់ ហើយប៉ូលិស ក៏បាននិយាយ ថា រឿងនេះមិនមែន ជាលើកទី១ នោះទេ ព្រោះក៏ធ្លាប់មាន ករណីបែបនេះ កើតឡើងម្តងរួចមកហើយ ។ យ៉ាងណាមិញ ប៉ូលិសស៊ើបអង្កេត នឹងបើកការស៊ើបអង្កេត លើករណីនេះ ក្រោយពី បានស្តាប់ការរៀបរាប់ របស់ជនរងគ្រោះ៕

រូបតំណាង បុរសអាហ្វ្រិកប្រាប់បង្ហាញផ្លូវដល់ នារីទាំងបីនាក់

ទីតាំងដែលកើតហេតុនេះ

ប្រភព Dailymail | Mirror

ដោយ៖ ទីន

ខ្មែរឡូត