បាត់ដំបង៖ អ្នកបើករថយន្ត តាក់ស៊ីម្នាក់ សង្ស័យងងុយដេក បានបើកបុក កិនក្បាលក្មេង អាយុ១៣ឆ្នាំម្នាក់ កំពុងជិះកង់ ស្របទិសគ្នា បណ្តាលឲ្យស្លាប់ កាលពីវេលាម៉ោង ៣និង៤៥នាទី រសៀលថ្ងៃទី៧ ខែឧសភា ឆ្នាំ២០១៥ នៅចំណុចមុខសាលា សង្កាត់អូរចារ ស្ថិតក្នុងភូមិ.សង្កាត់ អូរចារ ក្រុងបាត់ដំបង ។

ប្រភពពីសមត្ថកិច្ច ចរាចរណ៍បានឲ្យដឹងថា កាលពីវេលាម៉ោង ៣និង៤៥នាទី រសៀលថ្ងៃទី៧ ខែឧសភា ឆ្នាំ២០១៥ នៅចំណុចមុខ សាលាសង្កាត់អូរចារ ស្ថិតក្នុងភូមិ.សង្កាត់ អូរចារ ក្រុងបាត់ដំបង មានករណី គ្រោះថ្នាក់ ចរាចរណ៍មួយ បង្កឡើងដោយរថយន្ត តាក់ស៊ី ម៉ាកកាមរី ពណ៌សំបកឪឡឹក ពាក់ស្លាកលេខ បាត់ដំបង 2A0239 បើកបរដោយឈ្មោះ យឿប វាសនា ភេទប្រុស អាយុ ៣២ឆ្នាំ រស់នៅភូមិ អូរដំបង២ ឃុំអូរដំបងស្រុកសង្កែ បានបើកបរពី ទិសលិចទៅកើត ពេលមកដល់ ចំណុចកើតហេតុ អ្នកបើកបរ ទំនងងងុយដេក មួយភាំង ក៏ជ្រុលចង្កូត ទៅក្មេងរងគ្រោះឈ្មោះ ឃឿន ពុទ្ធាលី ភេទប្រុស អាយុ១៣ឆ្នាំ រស់នៅភូមិ កើតហេតុខាងលើ ដោយរថយន្ត បង្កបានកិនក្បាល បែកចេញខួរស្លាប់ភ្លាមៗ នៅកន្លែងកើតហេតុ។ ភ្លាមៗនោះប្រជាពលរដ្ឋ បានជួយឃាត់ខ្លួន ជនបង្កប្រគល់ឲ្យ សមត្ថកិច្ចនាំយក ទៅការិយាល័យជំនាញ ដើម្បីធ្វើកំណត់ហេតុ សាកសួរនិងឃុំខ្លួន បណ្តោះអាសន្ន នៅស្នងការខេត្ត ដើម្បីកសាងសំណុំរឿង បញ្ជូនទៅ តុលាការ ខេត្តដើម្បីចាត់ការ តាមច្បាប់ ។ ចំណែកសព ជនរងគ្រោះសមត្ថកិច្ច បានប្រគល់ឲ្យ ក្រុមគ្រួសារ យកទៅធ្វើបុណ្យ តាមប្រពៃណី៕

ផ្តល់សិទ្ធដោយ ដើមអម្ពិល