ភ្នំពេញ ៖ ករណីអគ្គិភ័យឆេះ បន្ទបពិសោធន៍ នៅសាកលវិទ្យាល័យ សុខាភិបាល ឫហៅថាសាលាពេទ្យ នាព្រឹក ព្រលឹមថ្ងៃទី៨ ខែឧសភា ឆ្នាំ២០១៥នេះ បានសម្លាប់បុគ្គលិកពេទ្យ ម្នាក់ ដែលនៅ ក្នុងអាគារនោះ។

លោក ញ៉ែម សៅណុល អធិការរង នគរបាល ខណ្ឌដូនពេញ បានឲ្យដឹងថា ជនរងគ្រោះមាន ឈ្មោះ សៀត អាយុជាង៣០ឆ្នាំ ត្រូវបានភ្លើងឆេះ ស្លាប់ដោយ អង្គុយលើកៅអី ដោយសារតែ ជួយសង្គ្រោះមិនទាន់ និងមិនដឹងថា មានបុគ្គលិក នៅក្នុងអាគារនោះ។

បើតាមលោក ញ៉ែម សៅណុល ករណីខាងលើនេះ សង្ស័យមកពី ទុស្សេខ្សែភ្លើង ប៉ុន្តែត្រូវបាន កម្លាំង សមត្ថកិច្ច និងអាជ្ញាធរ ជួយបាញ់ពន្លត់ ក្រោយពីមានផ្សែងហុយចេញ យ៉ាងខ្មួលខ្មាញ់ ។

ក្រោយពេលបាញ់ពន្លត់រួចមកនោះ ពេលដែលកម្លាំង សមត្ថកិច្ច ចូលទៅក្នុងអាគារ ស្រាប់តែប្រទះ ឃើញជនរង គ្រោះដេកស្លាប់ តែម្តងលើកៅអីបាត់ទៅហើយ ។

បច្ចុប្បន្ន កម្លាំងសមត្ថកិច្ច ជំនាញ បាននិងកំពុង ពិនិត្យសព នៅកន្លែងកើតហេតុ ៕

ផ្តល់សិទ្ធដោយ ដើមអម្ពិល