រាជធានីភ្នំពេញ៖ រថយន្តមែរសឺដែស មួយគ្រឿង បើកបរដោយជនជាតិ បរទេសម្នាក់ ស្រវឹងជោកជាំ ហើយឃើញស្លៀក តែខោលីអូតែ ប៉ុណ្ណោះ បានបើកទៅ បុករបង ក្រុមហ៊ុនអង្គរ មេឌីហ្វាម សឺវីស ខូអិលធីឌី កាលពីវេលា ម៉ោង១២ និង៣០នាទី រំលងអធ្រាត្រ ឈានចូល ថ្ងៃទី ៦ ឧសភា ២០១៥ ស្ថិតនៅ ផ្ទះលេខ៩៨ ផ្លូវលេខ៩៩ សង្កាត់បឹងត្របែក ខណ្ឌចំការមន  ។

ប្រភពបានឱ្យដឹងថា នៅមុនពេលកើតហេតុ គេឃើញរថយន្តបង្ក មានពាក់ស្លាកលេខភ្នំពេញ 2M 7707 បើកបរដោយបុរស ជនជាតិ បរទេស ម្នាក់ អត់មានពាក់អាវទេ ស្លៀកតែខោលីអូ បើកបរក្នុងស្ថានភាព ស្រវឹងជោកជាំ ជិះលឿនរេពេញផ្លូវ លុះមកដល់ ចំណុចខាងលើ បានបើក ទៅ បុករបងដែកដាក់ របាំងនៅពីមុខ ក្រុមហ៊ុនអង្គរ មេឌីហ្វាម សឺវីស ខូអិលធីឌី បណ្តាលឱ្យបាក់ ខូចខាតហើយ រថយន្តនៅមិនទាន់ អស់ ល្បឿនទេ បានជ្រុលទៅបុកថូ ផ្កាបែកអស់មួយផើង ហើយជ្រុលទៅ បុកជញ្ជាំងរបង តែមិនបណ្តាល ឱ្យខូចខាតទេ ។

ក្រោយពេលកើតហេតុ រថយន្តបង្កខ្ទេច មួយកំណាត់មុខ អ្នកបើកបរព្យាយាម រថយន្តរត់គេច រហូតដល់ផ្លូវ លេខ៩៥ កែង៣៩៤ សង្កាត់បឹង ត្របែក ខណ្ឌចំការមន ទើបប៉េអឹម ខណ្ឌចំការមន ឃាត់ខ្លួនបាន ទាំងអ្នកបើកបរ និងរថយន្តបង្ក យកទៅដោះស្រាយ នៅអធិការដ្ឋានខណ្ឌ ចំការមន ៕

ផ្តល់សិទ្ធដោយ កោះសន្តិភាព