បុរសម្នាក់ ពរកូនស្រី គ្រប់ទីកន្លែង ប៉ុន្តែមានរឿងពិត ដ៏គួរឲ្យរំជួលចិត្ត នៅពីក្រោយនេះទៀត

បុរសម្នាក់ ពរកូនស្រី គ្រប់ទីកន្លែង ប៉ុន្តែមានរឿងពិត ដ៏គួរឲ្យរំជួលចិត្ត នៅពីក្រោយនេះទៀត

ចិន៖ បុរសម្នាក់បានធ្វើឲ្យ មនុស្សគ្រប់គ្នា ដែលនៅជុំវិញខ្លួនគាត់ មានការងឿងឆ្ងល់ជាខ្លាំង នៅពេលដែលពួកគេ បានឃើញគាត់ ពរតុក្តតាជ័រ ដែលមានរូបរាង ដូចជាក្មេងស្រីម្នាក់ ទៅគ្រប់ទីកន្លែង ថែមទាំងប្រើកាយវិការ ស្និតស្នាល ដូចឪពុក និងកូនពិតៗ ថែមទៀតផង។

បុរសនោះមានឈ្មោះថា Song Bo ដែលកាលពី២ឆ្នាំមុន គាត់បានទទួលនូវ ជំងឺចំលែកម្យ៉ាង ដែលវាបានធ្វើឲ្យគាត់ បាក់ទឹកចិត្ត និងតែងតែឈឺក្បាលជាប្រចាំ។ ដោយមានអាការៈ ដូចនេះហើយ ទើបគាត់មិនអាចរៀបការ និងមានកូនបាននោះទេ ប៉ុន្តែនៅថ្ងៃមួយគាត់ បានស្វែងរកឃើញនូវវេបសាយ ទំនិញអនឡាញមួយ ដែលមានលក់នូវ ទំនិញពិសេសម្យ៉ាង ហើយវាក៏បានធ្វើឲ្យគាត់ មានក្តីសង្ឃឹមជាថ្មីផងដែរ។

លោក Song បានទិញនូវ កូនក្រមុំតុក្កតាជ័រមួយ ពីវេបសាយនោះ ដែលនាងមានកំពស់ ១.៤៥ម៉ែត្រ ហើយឥឡូវនេះគាត់ បានយកនាងទៅ ជាមួយខ្លួនគ្រប់ទីកន្លែងទាំងអស់ ទោះបីជាទីសាធារណៈ ដែលមានមនុស្សម្នារច្រើន ដូចជានៅស្ថានីយ៍រថភ្លើង រោងកុន រឺហាងកាហ្វេ ដោយមិនខ្វល់ពី ក្រសែភ្នែកអ្នកដ៏ទៃ ឬមនុស្សជុំវិញខ្លួន នោះឡើយ។ គាត់ពិតជាចូលចិត្តថតរូប ជាមួយនាងណាស់ ដែលមើលទៅនាង ហាក់ដូចជាបាន ធ្វើឲ្យជីវិតគាត់មានការ ផ្លាស់ប្តូរដូច្នេះដែរ។

សព្វថ្ងៃនេះលោក Song កំពុងរស់នៅជាមួយនឹង ម្តាយរបស់ខ្លួនម្នាក់ ដែលម្តាយរបស់គាត់ មិនបានជំទាស់ រវាងសម្ព័ន្ធភាពរបស់គាត់ និងកូនតុក្តតាជ័រនោះឡើយ មិនតែប៉ុណ្ណោះ លោក Song ក៏បានដាក់ឈ្មោះឲ្យ កូនតុក្កត្តានោះ ថា Xiao Die (មេអំបៅតូច) ថែមទៀតផង៕