តាកែវៈ ជនសង្ស័យ៣នាក់ ប្រដាប់ដោយអាវុធខ្លី២ ដើម បានបាញ់ចំនួន២ គ្រាប់ ពេលចូលប្លន់ យកទ្រព្យសម្បត្តិ ពីអ្នករក ស៊ីលក់ប្រហុក នៅឃុំអង្កាញ់ ស្រុកទ្រាំង ខេត្តតាកែវ កាលពីល្ងាច ថ្ងៃទី៥ ខែឧសភា ឆ្នាំ២០១៥។

ប្រភពព័ត៌មានពីសមត្ថកិច្ចបានបញ្ជាក់ថា ជនសង្ស័យទាំង៣នាក់ ជិះម៉ូតូមួយគ្រឿង បានចូល ទៅភ្ជង់ និងបាញ់ គំរាម២គ្រាប់ ប្លន់យកលុយ និងគ្រឿងអលង្ការ ដូចជាខ្សែក ខ្សែដៃ ពីជនរងគ្រោះ ទាំងពីរនាក់ប្តី- ប្រពន្ធ រួចហើយគេច ខ្លួនបាត់ ដោយសុវត្ថិភាព។

រហូតមកដល់យប់ថ្ងៃដដែលនេះ កម្លាំងសមត្ថកិច្ចជាច្រើននាក់បានដាក់ពង្រាយតាមដងផ្លូវ និងតាម គោលដៅនានា ដើម្បីបង្ក្រាប ក្រុមចោរប្លន់ ទាំងនេះ៕

ផ្តល់សិទ្ធដោយ ដើមអម្ពិល