ថៃ៖ វីដេអូឃ្លីប ដែលបង្ហាញពី សត្វ ដ៏ចម្លែក គួរឲ្យញញើតមួយក្បាល ខ្ជាក់ចេញទឹកខាប់ៗពណ៌ស បាចសាចពេញ លើដៃ បុរសម្នាក់  បានក្លាយ ជាសំណួរ ដែលអ្នកលេងបណ្តាញសង្គម នាំគ្នា ឆ្ងល់ថាតើ ជាសត្វអ្វីទៅ អីក៏ចម្លែកម៉្លេះ?

យ៉ាងណាមិញ បើតាមប្រភពព័ត៌មានបរទេស បានចុះផ្សាយ ឲ្យដឹងថា សត្វចម្លែកមួយក្បាលនោះ ត្រូវបានស្គាល់ថាជា ជន្លេនសណ្តែកដី (peanut worm) ជាប្រភេទ ជន្លេនសមុទ្រមួយប្រភេទ។ រីឯវីដេអូឃ្លីបនោះវិញ ត្រូវគេដឹងថា ថតចេញពីប្រទេសថៃ ដែលសត្វជន្លេននោះ ត្រូវបុរសម្នាក់ ចាប់វាពីក្នុង ឈូងសមុទ្រថៃ ហើយយកមកដាក់ លើបាតដៃរបស់គាត់ ដើម្បីថត។ ក្នុងពេលនោះ វានបានបញ្ចេញប្រតិកម្មចម្លែក ដោយខ្ជាក់ សារធាតុរាវ ខាប់ៗពណ៌ស យ៉ាងចម្លែកពេញ បាតដៃបុរសនោះតែម្តង។

ទោះជាយ៉ាងណា ការសិក្សាមួយរបស់ សាកលវិទ្យាល័យ Adolfo Ibanez ក្នុងប្រទេសឈីលី បានបង្ហាញថា សត្វជន្លេននេះ បានបញ្ចេញសារធាតុរាវ ដូចជាកាវស្អិត ពីខាងក្រោយក្បាល ដោយ សត្វនេះ បានបង្កើនសំពាធកាន់តែខ្ពស់មួយ  រហូតច្រាល សារធាតុរាវ តាមប្រហោងក្បាលតូចមួយរបស់វា ចេញមកខាងក្រៅ ៕ 

មកទស្សនាវីដេអូខាងក្រោមនេះ 

ប្រភព បរទេស

ដោយ៖ ទីន

ខ្មែរឡូត