រាជធានីភ្នំពេញ ៖ សាលាដំបូងរាជធានីភ្នំពេញកាលពីព្រឹកថ្ងៃទី៣ ឧសភា ២០១៥ បានចេញដីកា សម្រេចឃុំ ខ្លួនជនជាតិ កូរ៉េ២នាក់ ដាក់ពន្ធនាគារបណ្តោះអាសន្ន ពីបទកំហែងយក ពាក់ព័ន្ធចាប់ បង្ខាំងជនជាតិ កូរ៉េដូចគ្នា ទារប្រាក់ ចំនួន ៦៩.០០០ ដុល្លារអាមេរិក ។

ជនសង្ស័យដែលត្រូវឃុំខ្លួនម្នាក់ឈ្មោះCHOI JONG HEE ភេទប្រុស អាយុ៥៥ឆ្នាំ ស្នាក់នៅផ្ទះ លេខ៧១ ផ្លូវលេខ២ ភូមិរោងចក្រ សង្កាត់ភ្នំពេញថ្មី ខណ្ឌសែនសុខ មុខរបរជា អ្នកជំនួញ និងម្នាក់ទៀត ឈ្មោះCHO YONG SEOK ភេទប្រុស អាយុ៤២ឆ្នាំ ស្នាក់នៅ មិនពិតប្រាកដ មុខរបរជាអ្នកជំនួញដូចគ្នា ។

តាមដីកាសម្រេចឃុំខ្លួនរបស់លោកអ៊ី ថាវរៈ ចៅក្រមស៊ើបសួរសាលាដំបូងរាជធានីភ្នំពេញបានបានឱ្យដឹងថា ជនសង្ស័យ ទាំង២នាក់ នេះបានដាក់ឲ្យស្ថិតក្រោមការពិនិត្យ ពីបទ កំហែងយក ប្រព្រឹត្តនៅ ផ្ទះលេខ៧២ ផ្លូវលេខ២ សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី ២៧មេសា ២០១៥ តាមបញ្ញត្តិមាត្រា៣៦៣ និង៣៦៤ នៃក្រម ព្រហ្មទណ្ឌ៕

ផ្តល់សិទ្ធដោយ កោះសន្តិភាព