ភ្នំពេញ ៖ កម្លាំងនគរបាលផ្នែកព្រហ្ម ទណ្ឌនៃអធិការដ្កាននគរបាលខណ្ឌច្បារអំពៅ សហការ ជាមួយកម្លាំង នគរបាលប៉ុស្ដិ៍ ច្បារអំពៅ ទី២ ដឹកនាំដោយ លោកម៉ៅ សឿត អធិការ រងនគរបាលខណ្ឌ កាលពីវេលាម៉ោង១រសៀល ថ្ងៃទី២៩ ខែមេសា ឆ្នាំ២០១៥ បានចុះបង្ក្រាប ទីតាំងបើកហ្គេម ខុសច្បាប់មួយកន្លែង ដោយ ឃាត់ខ្លួនមនុស្ស១០នាក់ ព្រមទាំងដកហូត ទូហ្គេមប្រភេទ បាញ់ត្រី ចំនួនពីរទូផងដែរ។

អធិការរងនគរបាលទទួលផែនព្រហ្មទណ្ឌ លោកម៉ៅ សឿត បានបញ្ជាក់ថា ប្រតិបត្ដិការ ខាងលើនេះ បានធ្វើូឡើងតាមបញ្ជារបស់ លោកអ៊ាង ស៊ីផាន អភិបាលខណ្ឌច្បារអំពៅ និងជាប្រធានគណៈបញ្ជាការ ឯកភាពខណ្ឌ ព្រមទាំងមានការសម្របសម្រួលតាមផ្លូវ ច្បាប់ពីព្រះរាជអាជ្ញារងអម សាលាដំបូងរាជធានី ភ្នំពេញ លោកតុប ឈុនឡុង ។

លោកម៉ៅ សឿត បានបញ្ជាក់ថា បន្ទាប់ ពីទទួលបានសេចក្ដីរាយការណ៍របស់ប្រជាពលរដ្ឋថា នៅចំណុច ផ្ទះ លេខ១០៦ ផ្លូវលេខ ៣៦៩ ភូមិ កណ្ដាល សង្កាត់ច្បារអំពៅទី២ ខណ្ឌច្បារអំពៅ មានទូហ្គេមបើកលេង ដោយខុសច្បាប់នោះ ទើបលោកដឹកនាំកម្លាំងចុះ ទៅបង្ក្រាបព្រមទាំង ឃាត់ខ្លួនអ្នក កំពុងលេង បានចំនួន១០នាក់ ក្នុងនោះប្រុស ៧នាក់និង ស្រី៣នាក់ ។

បើតាមអធិការរងនគរបាលរូបនេះ ប្រតិ បត្ដិការចុះបង្ក្រាបទូហ្គេមនៅក្នុងទឹកដីខណ្ឌ ច្បារអំពៅ និងធ្វើឡើង ជាបន្ដបន្ទាប់។

បច្ចុប្បន្នទូហ្គេមទាំងនេះ ត្រូវបានសមត្ថ កិច្ចយកទៅរក្សាទុកនៅអធិការដ្ឋាននគរបាល ខណ្ឌច្បារអំពៅ ដើម្បីរង់ចាំការវាយកំទេច ចោលនៅពេលខាងមុខ ។

ផ្តល់សិទ្ធដោយ ដើមអម្ពិល