ភ្នំពេញ ៖ កម្លាំងនគរបាល ខណ្ឌពោធិ៍សែនជ័យ នៅល្ងាចថ្ងៃទី២៨ ខែមេសា ឆ្នាំ២០១៥ បាន ចាប់ខ្លួនជន សង្ស័យម្នាក់ ដែលអាចជាប់ ពាក់ព័ន្ធ និងសកម្មភាពប្លន់ទូមាស ។ ការចាប់ខ្លួន ជនសង្ស័យរូបនេះ បានធ្វើឡើងស្ថិត នៅផ្ទះជួល ភូមិត្រពាំងថ្លឹង សង្កាត់ចោមចៅ ខណ្ឌ ពោធិ៍សែនជ័យ ។

អធិការនគរបាល ខណ្ឌពោធិ៍សែនជ័យ លោក យឹម សារ៉ាន់ បានបញ្ជាក់ថា ជនសង្ស័យរូបនេះ អាចជាប់ពាក់ព័ន្ធ និងសកម្មភាព ប្លន់ទូមាស នាពេល កន្លងទៅ ប៉ុន្តែយ៉ាង ណានោះ ត្រូវរង់ចាំការ សួរចម្លើយជាមុនសិន ។

បើតាមលោកអធិការខណ្ឌ ពោធិ៍សែនជ័យ ក្រោយការចាប់ខ្លួន ជនសង្ស័យរូបនេះ កម្លាំងនគរបាល បានដកហូតកាំភ្លើង មួយដើម ផងដែរ ។

លោកបានបន្តទៀតថា ក្រោយពីមានបទល្មើសប្លន់រួចមកនោះ ស្នងការនគរបាល រាជ ធានីភ្នំពេញ បានបញ្ជាឲ្យបើកការ ស្រាវជ្រាវ ជាបន្តបន្ទាប់ រហូតឈានទៅដល់ការចាប់ខ្លួន តែម្តង។ បច្ចុប្បន្ន ជនសង្ស័យរូបនេះ ស្ថិតក្រោមការសាកសួរ នៅអធិការដ្ឋាន នគរបាល ខណ្ឌពោធិ៍សែនជ័យ ដើម្បីកសាងសំណុំរឿងបញ្ជូនទៅកាន់តុលាការ៕

ផ្តល់សិទ្ធដោយ ដើមអម្ពិល