បាងកក ៖ តាមសេចក្តីរាយការណ៍ ពីសមត្ថកិច្ច ខេត្តបន្ទាយមានជ័យ បានឲ្យដឹង ថា នៅល្ងាចថ្ងៃទី២៥ ខែមេសា ឆ្នាំ២០១៥ ថៅកែ ជនជាតិថៃ វ័យប្រហែល៤០ឆ្នាំ បានដកកាំភ្លើងខ្លី របស់ខ្លួនបាញ់ចំនួន៦គ្រាប់ ទៅលើកម្មករខ្មែរម្នាក់ ដែលទៅទារលុយ ថ្លៃជំពាក់ ជំនួសមិត្តរួមការងារ របស់ខ្លួន នៅក្នុង ខេត្ត ឆាឈឿនសៅ ប្រទេសថៃ កាលពីថ្ងៃទី២៤ ខែមេសា ហើយរត់គេចខ្លួនបាត់ ។

សេចក្តីរាយការណ៍ បានឲ្យដឹងថា សាកសពរបស់ពលករខ្មែរ ដែលរងការបាញ់ ប្រហារនោះ មានឈ្មោះ ផាត សុខអិន អាយុ ២៤ឆ្នាំ រស់នៅខេត្តកំពង់ធំ បានបញ្ជូនមកដល់ទឹកដីកម្ពុជា តាមច្រកអូរបីជាន់ ក្នុងខេត្ត បន្ទាយមានជ័យ នៅល្ងាចថ្ងៃសៅរ៍ ទី២៥ ខែមេសានេះ ហើយបានប្រគល់សព ជូនដល់ក្រុមគ្រួសារ ដើម្បីធ្វើបុណ្យ៕

ផ្តល់សិទ្ធដោយ ដើមអម្ពិល