ខេត្តរតនគិរី ៖ បើតាមព័ត៌មាន ពីលោកចាន់ ណារិទ្ធ អធិការរងស្រុកលំផាត់ បានឱ្យដឹងថា ជនរងគ្រោះ ឈ្មោះខេង ដាវ ភេទប្រុស អាយុ ៦៥ឆ្នាំ ជនជាតិទំពួន ជាកសិករ មានទីលំនៅក្នុងភូមិព្រួក ឃុំប៉ាតេ ស្រុកលំផាត់ បានពុល គីង្គក់ស្លាប់ កាលពីវេលាម៉ោង ៧យប់ថ្ងៃទី២៣ មេសា ២០១៥ ។

ប្រភពបានឱ្យដឹងថា មុនពេលកើតហេតុ ជនរងគ្រោះបាន យកការុងដើរ ទៅចាប់គីង្គក់ បាន៤-៥ក្បាល រួចយកមក ស្ងោរធ្វើជាម្ហូប រួមមាន ទាំងពងគីង្គក់ ផងដែរ ដោយហូបបាន កន្លះម៉ោង ជនរងគ្រោះក៏មាន អាការៈក្អួតប្រកាច់ ហើយត្រូវ ក្រុមគ្រួសារឃើញដូច្នេះ គាត់ក៏បាន បញ្ជូន ជនរងគ្រោះទៅ មណ្ឌលសុខភាពស្រុក តែជាអកុសល ជនរងគ្រោះក៏បានដាច់ ខ្យល់ស្លាប់ទៅហើយ ។

បើតាមព័ត៌មាន ពីមន្ត្រីពេទ្យឱ្យដឹងថា បុរសដែល ហូបគីង្គក់ពុលនេះ មកពីក្រុមគ្រួសារ បញ្ជូនមកយឺត ពេក ទើបគ្រូពេទ្យជួយមិន កើត ៕

ផ្តល់សិទ្ធដោយ កោះសន្តិភាព