សុខ ពិសី ងាកមកចាប់ដៃថតរឿងនឹង នីកូវិញម្ដង!
តារាចម្រៀងឈានមុខកញ្ញា សុខ ពិសី ងាកមកចាប់ដៃសម្ដែងរឿងជាមួយ លោក នីកូ វិញម្ដងក្នុងរឿង “សង្សារខ្មោច” របស់ផលិតកម្មសាន់ដេ។
ការងាកមកចាប់ដៃសម្ដែងជាតួឯកជាមួយលោក នីកូ ពីសំណាក់ កញ្ញា សុខ ពិសី បន្ទាប់ពីគេតែងសង្កេតឃើញតារាស្រីរូបនេះតែងសម្ដែងតួឯកជាមួយនឹង លោក ខមេរៈ សិរីមន្ត។
សុខ ពិសី និង នីកូ ក្នុងពិធីក្រុងពាលីរឿង”សង្សារខ្មោច” រសៀលមិញនេះ
ថ្លែងក្នុងពិធីសម្ពោធខ្សែក្រុងពាលីរឿង “សង្សារខ្មោច” រសៀលមិញនេះ កញ្ញា សុខ ពិសីប្រាប់ថាការណ៍ដែលខ្លួនបានសម្ដែងជាតួឯកជាមួយលោក នីកូ មិនមែនតាមការចង់បានរបស់នាងទេគឺក្រុមហ៊ុនជាអ្នករៀបចំឡើង។
“ខ្ញុំសប្បាយចិត្តនៅពេលក្រុមហ៊ុនគាត់បានរៀបចំឱ្យខ្ញុំសម្ដែងរួមគ្នាជាមួយនឹងលោក នីកូ ហើយខ្ញុំក៏ដូចជានីកូនឹងប្រឹងសម្ដែងឱ្យអស់ពីសមត្ថភាពដើម្បីធ្វើឱ្យទស្សនិកជនចាប់អារម្មណ៍”។
នៅពេលសួរថា តើកញ្ញា សុខ ពិសី សង្ឃឹមទទួលបានការគាំទ្រកម្រិតពីប្រិយមិត្ត និង មិត្តៗយុវវ័យចំពោះការសម្ដែងរួមគ្នានឹងលោក នីកូ។ តារាចម្រៀងតែងទទួលបានការចាប់អារម្មណ៍ពីមិត្តៗយុវវ័យចំពោះការតុបតែងខ្លួនរូបនេះអះអាងថា ការទទួលសំឡេងគាំទ្រកម្រិតណាអាស្រ័យលើទស្សនិកជនជាអ្នកដាក់ពិន្ទុ។ តែយ៉ាងណាក៏ដោយកញ្ញានិយាយថា នឹងប្រឹងអស់ពីសមត្ថភាពមិនឱ្យទស្សនិកជនខកបំណងឡើង។
អ្នកចាត់ការទូទៅលោក ឡាយ សុកចំរើន រួមនឹងតួឯកទាំងពីរ
ដោយឡែកដៃគូរបស់ សុខ ពិសីលោក នីកូឯណោះវិញ និយាយថា ជាលើកទីមួយហើយសម្រាប់លោកដែលបានសម្ដែងខ្សែភាពយន្តខ្នាតធំរបស់ផលិតកម្មសាន់ដេ បន្ទាប់ពីចូលផលិតកម្មនេះបានមួយរយៈ។
លោក នីកូបញ្ជាក់ថា៖ “តាមពិតមិនមែនជាលើកទីមួយទេសម្រាប់ខ្ញុំក្នុងការសម្ដែងខ្សែភាពយន្ត ខ្ញុំធ្លាប់សម្ដែងរឿងតាំងពីតូចមក។ ក៏ប៉ុន្តែសម្រាប់ផលិតកម្មសាន់ដេគឺជាលើកទីមួយរបស់ខ្ញុំ ហើយខ្ញុំសប្បាយចិត្ត ក៏ដូចជាអរគុណដល់ម្ចាស់ផលិតកម្មបានផ្ដល់ឱកាសនេះដល់ខ្ញុំ”។
តារាចម្រៀងរូបនេះក៏ដូចជា កញ្ញា សុខ ពិសី ដែរមិនហ៊ាននិយាយថា នឹងអាចស្រូបយកការគាំទ្រកម្រិតណាពីប្រិយមិត្ត និងមិត្តៗយុវវ័យ។ តែយ៉ាងណាក៏ដោយលោកអះអាងថាតាមរយៈបទពិសោធន៍ធ្លាប់សម្ដែងកន្លងមកលោកជឿជាក់ថានឹងធ្វើឱ្យទស្សនិកជនចាប់អារម្មណ៍។
អ្នកចាត់ការទូទៅក្នុងផលិតកម្មសាន់ដេ លោក ឡាយ សុកចំរើនឱ្យដឹងថា មូលហេតុនាំឱ្យផលិតកម្មសម្រេចចិត្តជ្រើសរើស សុខ ពិសី ឱ្យដើរឯកជាមួយនីកូ ដោយសារពួកគេទាំងពីរសក្ដិសមទៅនឹងសាច់រឿងខាងលើ។
“យើងមើលឃើញថា សមត្ថភាពពួកគាត់ទាំងពីរសក្ដិសមនឹងសាច់រឿងនេះ។ ម្យ៉ាងទៀតក្នុងឆ្នាំ២០១៤នេះ យើងមានគម្រោងផលិតខ្សែភាពយន្តបី ដូច្នេះហើយតារាផ្សេងទៀតរបស់សាន់ដេអាចសម្ដែងបានទាំងអស់គ្នា”។
លោក ឡាយ សុកចំរើនបន្តថាខ្សែភាពយន្តរឿង “សង្សារខ្មោច” នឹងដំណើរការថតក្នុងពេលឆាប់ៗ ដោយប្រើរយៈថតបីទៅបួនខែ ហើយគ្រោងនឹងដាក់បញ្ចាំងជូនទស្សនិកជនទស្សនានាឱកាសបុណ្យអុំទូកខាងមុខ។ យ៉ាងណាក៏ដោយចំពោះដើមទុននៃការផលិតមិនត្រូវបានអ្នកចាត់ការទូទៅរូបនេះបង្ហើបឱ្យដឹងទេ ព្រោះលោកគិតថាអាចប្រែប្រួលទៅតាមស្ថានភាពជាក់។
ទាក់ទងទៅនឹងការបន្តផលិតរឿងខ្មោចអ្នកចាត់ការទូទៅវ័យក្មេងខាងលើអះអាងថា តម្រូវការទីផ្សារទើបធ្វើឱ្យផលិតកម្មរបស់ខ្លួនបន្តផលិតខ្សែភាពយន្តបែបនេះបន្ត។ ម្យ៉ាងទៀតលោកថារឿង “សង្សារខ្មោច” នេះជាគម្រោងរបស់ក្រុមហ៊ុនយូរមកហើយ មិនមែនទើបតែកើតឡើងថ្មីៗឡើយ។ លោកបន្ថែមទៀតថា ខ្សែភាពយន្តពីរទៀតក្នុងឆ្នាំ២០១៤នេះ មិនមែនជារឿងខ្មោចទៀតទេ។
លោក ឡាយ សុកចំរើន ក្នុងពិធីក្រុងពាលីរសៀលមិញ
នេះជាលើកទីមួយហើយដែល កញ្ញា សុខ ពិសីចាប់ដៃសម្ដែងខ្សែភាពយន្តជាមួយលោក នីកូ។ ប៉ុន្តែបើនិយាយពីការសម្ដែងក្នុងខារ៉ាអូខេ និងការច្រៀងវិញមិនមែនជាលើកទីមួយទេគឺពួកគេទាំងពីរធ្លាប់សម្ដែងរួមគ្នាច្រើនបទមកហើយ។
រឿង “សង្សារខ្មោច” ជាវណ្ណកម្មទី៥ ហើយរបស់ផលិតកម្មសាន់ដេ បន្ទាប់ពីផលិតកម្មនេះផលិតខ្សែភាពយន្តដោយទទួលបានការគាំទ្រជាបន្តបន្ទាប់មានដូចជារឿង “អង្គុលីមារ” រឿង”ព្រាយដែកគោល” រឿង “វិញ្ញាណបិសាចជញ្ជក់ឈាម” និងរឿង”ព្រាយក្បាល៨”៕
ប្រភព Sabay
មើលព័ត៌មានផ្សេងៗទៀត
-
អីក៏សំណាងម្ល៉េះ! ទិវាសិទ្ធិនារីឆ្នាំនេះ កែវ វាសនា ឲ្យប្រពន្ធទិញគ្រឿងពេជ្រតាមចិត្ត
-
ហេតុអីរដ្ឋបាលក្រុងភ្នំំពេញ ចេញលិខិតស្នើមិនឲ្យពលរដ្ឋសំរុកទិញ តែមិនចេញលិខិតហាមអ្នកលក់មិនឲ្យតម្លើងថ្លៃ?
-
ដំណឹងល្អ! ចិនប្រកាស រកឃើញវ៉ាក់សាំងដំបូង ដាក់ឲ្យប្រើប្រាស់ នាខែក្រោយនេះ
គួរយល់ដឹង
- វិធី ៨ យ៉ាងដើម្បីបំបាត់ការឈឺក្បាល
- « ស្មៅជើងក្រាស់ » មួយប្រភេទនេះអ្នកណាៗក៏ស្គាល់ដែរថា គ្រាន់តែជាស្មៅធម្មតា តែការពិតវាជាស្មៅមានប្រយោជន៍ ចំពោះសុខភាពច្រើនខ្លាំងណាស់
- ដើម្បីកុំឲ្យខួរក្បាលមានការព្រួយបារម្ភ តោះអានវិធីងាយៗទាំង៣នេះ
- យល់សប្តិឃើញខ្លួនឯងស្លាប់ ឬនរណាម្នាក់ស្លាប់ តើមានន័យបែបណា?
- អ្នកធ្វើការនៅការិយាល័យ បើមិនចង់មានបញ្ហាសុខភាពទេ អាចអនុវត្តតាមវិធីទាំងនេះ
- ស្រីៗដឹងទេ! ថាមនុស្សប្រុសចូលចិត្ត សំលឹងមើលចំណុចណាខ្លះរបស់អ្នក?
- ខមិនស្អាត ស្បែកស្រអាប់ រន្ធញើសធំៗ ? ម៉ាស់ធម្មជាតិធ្វើចេញពីផ្កាឈូកអាចជួយបាន! តោះរៀនធ្វើដោយខ្លួនឯង
- មិនបាច់ Make Up ក៏ស្អាតបានដែរ ដោយអនុវត្តតិចនិចងាយៗទាំងនេះណា!
សេវាកម្មពេញនិយម
ផ្សព្វផ្សាយពាណិជ្ជកម្ម៖
