ខេត្តកណ្តាល ៖ យុវជនម្នាក់បានគិតខ្លី សម្រេចចិត្តចង.ក សម្លាប់ខ្លួន នៅលើផ្ទះ បង្កឱ្យភ្ញាក់ផ្អើល កាលពីវេលា ម៉ោង០១ និង៣០នាទី រសៀល ថ្ងៃទី២៣ មេសា ស្ថិតចំណុចភូមិ ស្រះពោធិ៍ ឃុំផ្សារដែក  ស្រុកពញាឮ ខេត្តកណ្តាល បន្ទាប់ពីតូចចិត្ត ម្តាយអត់លុយ ទៅចូលដណ្តឹងនារី ដែលខ្លូនស្រលាញ់ មិនបាន ។

ប្រភពបានឱ្យដឹងថា ជនរងគ្រោះ ឈ្មោះ ហែម ចក់ អាយុ២០ឆ្នាំ មានទីលំនៅភូមិ កើតហេតុខាងលើ ។

ប្រភពបន្តថា កន្លងមកជនរងគ្រោះ បានស្រលាញ់នារីម្នាក់ នៅភូមិពោរ៉ាល់ ឃុំភ្នំបាត ស្រុកពញាឮ ខេត្តកណ្តាល និងតែងតែតឿន ម្តាយជាញឹកញាប់ ឱ្យទៅចូលស្តីដណ្តឹង នាងយកមក ធ្វើជាប្រពន្ធ ប៉ុន្តែម្តាយ បានប្រាប់តបវិញថា មិនទាន់មានលុយ ទៅចូលស្តី ដណ្តឹងគេទេ ។ លុះដល់ថ្ងៃកើតហេតុ ជនរងគ្រោះ បានតឿនម្តាយ ឱ្យទៅរកលុយ ដើម្បីចូលស្តីដណ្តឹង នារីនោះទៀត និងបានគំរាមថា បើរកលុយមិនបានទេ នឹងចង.ក សម្លាប់ខ្លូនហើយ ។

ពេលនោះម្តាយ ប្រាប់វិញថា ទៅរកខ្ចីលុយ ពីអង្គការ ដើម្បីយកមក ស្តីដណ្តឹងប្រពន្ធឱ្យ ពេលនោះ ម្តាយជនរងគ្រោះ ក៏បានចេញពីផ្ទះ ដើម្បីទៅសួរគេ ពីកន្លែង ខ្ចីលុយ ដោយជនរងគ្រោះ នៅផ្ទះតែម្នាក់ឯង ។ លុះពេលម្តាយ ត្រឡប់មកវិញ ស្រាប់តែប្រទះឃើញ កូនប្រុស បានចង.ក សម្លាប់ខ្លួន ទៅហើយ ។