រាជធានីភ្នំពេញ ៖ បុរសម្នាក់ដែលធ្វើដំណើរ មកលោតទឹកសម្លាប់ខ្លួន នៅលើស្ពានជ្រោយចង្វារ ចាស់កាលពីព្រឹកថ្ងៃទី២០ មេសា ម្សិលមិញ នោះ សពបានផុសអណ្តែតហើយ កាលពីវេលាម៉ោង៤ និង៣០នាទីរសៀល ហើយកំពុងតែរសាត់ អណ្តែតទៅក្រោយ ផ្សារទួលសង្កែ ស្ថិតក្នុងភូមិផ្សារតូច ខណ្ឌប្ញស្សីកែវ។

ពេលនេះសមត្ថកិច្ច មិនទាន់បានចាត់ចែងស្រង់ សពឡើងមកលើ គោកនៅឡើយទេ ដោយសារសពចេះ តែរសាត់អណ្តែត ឆ្ងាយពីច្រាំងទៅជិតដល់ព្រំប្រទល់ សង្កាត់ទួលសង្កែ ។

គួរបញ្ជាក់ថា បុរសម្នាក់បានធ្វើដំណើរ ដោយថ្មើរជើងទៅលោតទឹក សម្លាប់ខ្លួនពីលើ ស្ពានជ្រោយចង្វារ ចាស់ផ្នែកខាងលិច លិចបាត់ទៅក្នុងទឹក បង្កឱ្យមានការភ្ញាក់ផ្អើល កាលពីវេលាម៉ោង៨ និង៤០នាទីព្រឹក ថ្ងៃទី២០ មេសា ២០១៥ នៅចំណុចលើស្ពាន ជ្រោយចង្វារចាស់ ស្ថិតក្នុង សង្កាត់ស្រះចក ខណ្ឌដូនពេញ ៕

ផ្តល់សិទ្ធដោយ កោះសន្តិភាព