កណ្តាល៖ ប្រទះឃើញបុរសម្នាក់ ដេកស្លាប់នៅក្នុងអង្រឹង មិនដឹងមូលហេតុ ថ្ងៃទី២១ ខែមេសា ឆ្នាំ២០១៥ វេលាម៉ោង ៦ព្រឹក នៅចំណុចភូមិ ជ័យឧត្តម ឃុំសំរោងធំ ស្រុកកៀនស្វាយ ខេត្តកណ្តាល ។

បើតាមឈ្មោះ អឿន ធារិទ្ធ ភេទប្រុស អាយុ២១ឆ្នាំ ត្រូវជាក្មួយ ជនរងគ្រោះ បានប្រាប់សមត្តកិច្ច ថានៅពេលយប់មិញ ជនរងគ្រោះ ត្រូវជាពូ បានមកចងអង្រឹង ដេកខាងមុខ ហើយរូបគេដេក នៅខាងក្រោយ លុះវេលាម៉ោង ៦ព្រឹកនេះ រូបគេបានដាស់ អោយពូក្រោក តែមិនងើប ហើយក៏ដើរទៅដាស់ ស្រាប់តែ ជនរងគ្រោះបាន ស្លាប់បាត់ទៅហើយ ។

បើតាមសមត្តកិច្ច បានអោយដឹងថា ជនរងគ្រោះ មានមុខរបរ ជាអ្នកបើកអេស្កាវាទ័រ រស់នៅខេត្ត កំពង់ឆ្នាំង។ បើតាមលោក ប៉ា សំអិត អធិការស្រុកបានប្រាប់ថា សមត្តកិច្ចចុះទៅធើ្វការ ត្រួតពិនិត្យឃើញថា ជនរងគ្រោះស្លាប់ ដោយសារ ខ្យល់គ ហើយបានប្រគល់សព ជូនក្រុមគ្រួសារ យកទៅធើ្វបុណ្យ តាមប្រពៃណី៕

ផ្តល់សិទ្ធដោយ ដើមអម្ពិល