ភ្នំពេញ៖ រថយន្តកូរ៉េដឹកជី ម៉ាកអ៊ុយរ៉េ មួយគ្រឿង បានបើកបុកម៉ូតូ បណ្តាលឲ្យស្លាប់ម្នាក់ និងរបួស ធ្ងន់ម្នាក់ នៅក្បែរទូរទស្សន៍អាស៊ី អាគ្នេយ៍ ក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ កាលពីវេលាម៉ោង ១៖៣០នាទី រសៀលថ្ងៃទី២០ ខែមេសា ឆ្នាំ២០១៥ ។

សេចក្តីរាយការណ៍ពីកន្លែងកើតហេតុបានឲ្យដឹងថា ខណៈជនរងគ្រោះទាំងពីរនាក់ កំពុងជិះម៉ូតូឌុបគ្នា ស្រាប់តែរថយន្តកូរ៉េមួយគ្រឿង ក្បាលពណ៌ស ពាក់ស្លាកលេខ ភ្នំពេញ 3B 0366 បើកបុក បណ្តាលឲ្យម៉ូតូ ជនរងគ្រោះម្នាក់ស្លាប់ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ ។

ក្រោយកើតហេតុ សពជនរងគ្រោះត្រូវបានសមត្ថកិច្ចទាក់ទងទៅក្រុមគ្រួសារ ដើម្បីមកទទួលយកទៅធ្វើ បុណ្យតាមប្រពៃណី រីឯរថយន្តនិងម៉ូតូ ត្រូវបានយកទៅរក្សាទុក ដើម្បីរង់ចាំការដោះស្រាយបន្តទៀត៕

ផ្តល់សិទ្ធដោយ ដើមអម្ពិល