ភ្នំពេញ : កម្លាំងនគរបាលប៉ុស្តិ៍ ស្ទឹងមានជ័យ និងប្រជាពលរដ្ឋ បានដេញ ចាប់ខ្លួនជនសង្ស័យម្នាក់ ក្នុងចំណោម បក្ខពួក២នាក់ ក្រោយពីធ្វើសកម្មភាពឆក់ ខ្សែក ពីនារីម្នាក់ កាលពីវេលា ម៉ោង៥ និង១០នាទី ថ្ងៃទី២០ ខែមេសា ឆ្នាំ២០១៥ នៅចំណុចមុខវត្តនន្ទមុនី ស្ថិតនៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ ។

មន្ត្រីនគរបាល បានឲ្យដឹងថា ជនសង្ស័យម្នាក់នេះ ឈ្មោះ សេង វាសនា អាយុ១៨ឆ្នាំ មុខរបររើស អេតចាយ ស្នាក់នៅភូមិព្រែកទាល់ សង្កាត់ស្ទឹង មានជយ័ និងម្នាក់ទៀតរត់គេចខ្លួន ដោយមានខ្សែក ជនរងគ្រោះទៅតាមខ្លួន ។ ដោយឡែកជនរងគ្រោះ ឈ្មោះ ធឹម សុខណាក់ភេទស្រី អាយុ២០ឆ្នាំ មុខ របរសិស្ស ស្នាក់នៅភូមិដំណាក់ធំ១ បាត់បង់ខ្សែកផ្លាកទីនទំងន់៣ជី ។

មន្ត្រីនគរបាលប៉ុស្តិ៍ បានបន្តថា មុនពេលកើត ហេតុ នារីរងគ្រោះកំពុងដើរម្នាក់ឯង លុះពេលធ្វើដំណើរ មកដល់មុខវត្តនន្ទមុនី  ស្រាប់តែលេចមុខ ជនសង្ស័យ២នាក់ ជិះម៉ូតូមួយគ្រឿង មកអែប ហើយធ្វើ សកម្មភាពឆក់យកខ្សែកតែម្តង ។

ក្រោយកើតហេតុ ភ្លាមៗនោះ នារីរងគ្រោះ ស្រែកឆោរឡោ គាប់ជួនកម្លាំងនគរបាល កំពុងចុះល្បាត ក៏ដេញតាម ពីក្រោយ រហូតចាប់ខ្លួនបាន ម្នាក់ ដកហូតម៉ូតូមួយគ្រឿង ខណ:ដែលជនសង្ស័យម្នាក់ ទៀត បានរត់គេចខ្លួនបាត់ ព្រមទាំងខ្សែក ដែលឆក់បានពីនារីរងគ្រោះ ទៅជាមួយផងដែរ ។ តាម ចម្លើយ របស់ជនសង្ស័យ ឈ្មោះ សេង វាសនា បាននិយាយប្រាប់ថា បក្ខពួកវាម្នាក់នោះ ឈ្មោះ អូន ។

ផ្តល់សិទ្ធដោយ ដើមអម្ពិល