ខេត្តមណ្ឌលគិរី ៖ ក្មេងប្រុសស្រីពីរនាក់បងប្អូនបង្កើតបានលង់ទឹកស្លាប់ ខណៈពួកគេបាន មកលេងកម្សាន្ត នៅរមណីយដ្ឋាន ទឹកជ្រោះប៊ូ ស្រា ជាមួយ ក្រុមគ្រួសារ ដោយបាន បង្កការភ្ញាក់ ផ្អើលយ៉ាងខ្លាំង ដល់ភ្ញៀវទេសចរ ដែលមកលេង នៅទឹក ធ្លាក់ កាលពី វេលាថ្ងៃ ត្រង់ថ្ងៃទី១៩ មេសា ស្ថិតនៅ ភូមិប៊ូស្រា ឃុំប៊ូស្រា ស្រុកពេជ្រាដា។

ប្រភពព័ត៌មានបានឲ្យដឹងថា ជនរងគ្រោះជាបងប្អូនបង្កើតលង់ទឹកជ្រោះសា្លប់មានទីលំនៅ នៅខេត្ត រតនគិរី ជាមួយ ឪពុកម្តាយ។ ក្មេងប្រុសឈ្មោះ ពិសិទ្ធ អាយុ១៣ឆ្នាំ ក្មេងស្រីឈ្មោះ នីតា អាយុ ១០ឆ្នាំ ។ ក្រោយកើត ហេតុឪពុកម្តាយ បាននាំយកសព កូនទាំង២ ត្រឡប់ទៅ ធ្វើបុណ្យនៅឯ ខេត្តរតនគិរីវិញ ភ្លាមៗមិនបាន ផ្តល់ព័ត៌មាន ដល់សមត្ថកិច្ចទេ ។

ខណៈក្រុមគ្រួសារសពកំពុងជួបទុក្ខធំបាត់បង់កូនម្តងពីរទៅហើយនោះ នៅពេលដែល រថយន្តដឹកសព ក្មេងទាំងពីរ យកទៅធ្វើ បុណ្យនៅផ្ទះ ស្រាប់តែរថយន្ត ដឹកសពខាងលើបាន ជួបគ្រោះថ្នាក់ ចរាចរណ៏ តាមផ្លូវទៀត ដូចពាក្យចាស់ ពោលថា«យីអ៊ុនដាក់ អារក្សជាន់»។

សមត្ថកិច្ចបានឲ្យដឹងថា នៅវេលាម៉ោង១ និង៣០នាទីរសៀល នៅចំណុចភូមិពូលូង សង្កាត់រមនា ក្រុងសែន មនោរម្យ មានរថយន្តសាំយ៉ុង ពណ៌ស្លែ ស្លាកលេខ ភព២k-៤៦៨០ ដឹកសព ក្មេង២នាក់ លង់ទឹកសា្លប់ បានដាច់ហ្វ្រាំង ទៅបុកគូទ រថយន្តហ៊ីលុច្ស ពណ៌ផ្ទៃមេឃ ពាក់ស្លាកលេខ ភព២ U-០៥៩៨ ម្ចាស់ឈ្មោះ សាលេះ សាលី ជាជនជាតិ ខ្មែរអ៊ិស្លាម អាយុ៤៧ឆ្នាំ ធ្លាក់ចូល អូរបណ្តាល ឲ្យរងរបួសស្រាល៕

ផ្តល់សិទ្ធដោយ ដើមអម្ពិល