ក្រចេះ ៖ បុរសវ័យចំណាស់ម្នាក់ ស្លាប់បាត់បង់ជីវិត នៅតាមចិញ្ចើម ផ្លូវជាតិលេខ ៧៣ ក្រចេះ ស្រុកឆ្លូង មិនដឹងពីមូលហេតុ ពិតប្រាកដ នៅក្នុងភូមិ ព្រែក តាថឹង ឃុំ បុសលាវ ស្រុក ចិត្របុរី  ខេត្តក្រចេះ កាលពីវេលាម៉ោង៣ ទៀបភ្លឺថ្ងៃទី១៩ ខែមេសា ឆ្នាំ២០១៥។

យោងតាម ប្រភពព័ត៌មានពី នគរបាលបានឱ្យដឹង ថាករណីបុរសវ័យ ចំណាស់ បានស្លាប់បាត់បង់ ជីវិតខាងលើនេះ គេមិនទាន់ដឹងពី មូលហេតុពិត ប្រាកដថា ជាករណីឃាតុកម្ម ប៉ុនប៉ង ឬ មកពីរឿង អ្វីនោះទេ តែគ្រាន់តែគេបានដឹងថា នៅរាត្រីនោះ បុរសវ័យចំណាស់ ខាងលើ បានចូលរួម បុណ្យ ក្នុងភូមិ និងបានផឹងស្រាស្រវឹង ដើរទៅដើរមកលុះដល់ម៉ោង ៣ទាបភ្លឺស្រាប់តែ គេប្រទះឃើញ បុរសវ័យ ចំណាស់ម្នាក់នោះ ដេកស្តូកស្តឹង នៅក្បែរ ចិញ្ចើមផ្លូវ ដោយមានស្នាមបែកក្បាល ផ្នែកខាងក្រោយ ដួលផ្កាប់មុខ។

ប្រភពដដែល បានបន្តឱ្យដឹងថា បុរសវ័យចំណាស់ ខាងលើមាន ឈ្មោះ ទេព សុគន្ធី ភេទ ប្រុស អាយុ ៦៥ ឆ្នាំ រស់ក្នុងភូមិឃុំ កើតហេតុខាងលើ ក្រោយពីកើហេតុ សមត្ថកិច្ចនគរបាល ក៏បានចុះទៅធ្វើការវាស់វែង ពិនិត្យធ្វើកោសលវិនិច្ឆ័យ និងបានប្រគល់សាកសព ជូនក្រុមគ្រួសារសាច់ញាតិធ្វើបុណ្យតាមប្រពៃណី៕

ផ្តល់សិទ្ធដោយ ដើមអម្ពិល