ស្រុកលំផាត់-ខេត្តរតនគិរីៈ យុវជនពីរនាក់បានបាត់ខ្លួននៅ តំបន់ទេសចរណ៍តាតៃ ធ្វើអោយមានការ ភ្ញាក់ផ្អើលដល់ភ្ញៀវជាតិ និងអន្តរជាតិយ៉ាងខ្លាំង ហេតុការណ៍នេះ បានកើតឡើងនៅវេលាម៉ោង ៣រសៀល ថ្ងៃទី១៩ ខែមេសា ឆ្នាំ២០១៥ស្ថិតនៅត្រង់ចំណុទន្លេស្រែពក (តំបន់ទេសចរណ៍តាតៃ) ភូមិលំផាត់ ឃុំជ័យឧត្តម ស្រុកលំផាត់ ។

តាមប្រភពពត៌មានពីកន្លែងកើតហេតុ ដែលបានបាត់ខ្លួននោះ ទី១ មានឈ្មោះ ភួយ រតនៈ ភេទប្រុស អាយុ២១ឆ្នាំ ជនជាតិខ្មែរ ទី២ ហង្ស មី ភេទប្រុស អាយុ ២០ឆ្នាំ ជនជាតិខ្មែរ អ្នកទាំងពីរត្រូវជាពួនិងក្មួយ រស់នៅភូមិទេសន្លុង សង្កាត់បឹងកន្សែង ក្រុងបានលុងខេត្តរតនគិរី ។

ប្រភពពត៌មានពីក្រុមគ្រួសារបានឲ្យដឹងថាឈ្មោះភួយ រតនៈ នេះជានិសិ្សតរៀន នៅភ្នំពេញ ទើបមកលេង ផ្ទះម្តាយក្នុងពិធីបុណ្យចូលឆ្នាំខ្មែរ ក៏បានជួប ឧប្បតិ ហេតុ បាត់ខ្លួននៅទន្លេ ស្រែពក (រមណីយដ្ឋានតាតៃ) ពេលនេះក្រុមគ្រួសារមិនទាន់រកអ្នកទាំង២ឃើញនៅឡើយទេ ។

បើតាមសម្តីរបស់លោក សូយ ថាយ អធិការស្រុកលំផាត់ បានឲ្យកោះសន្តិភាពដឹងថា ហេតុការណ៍ បាត់ខ្លួនយុវជនទាំង២នេះពិតមែន ឃើញតែ ខោអាវ ២កំប្លេ និងទូរស័ព្ទ២គ្រឿង នៅមាត់ទន្លេ ហើយតំបន់ដែលពួកគាត់ទៅលេងនោះគឺធំមិនដឹងយុវជនទាំង២នាក់នេះទៅ លេងកន្លែងណាខ្លះ ហើយនៅម៉ោង ៩យប់នេះនូវមិនទាន់រកឃើញទេ លោកមិនទាន់ហ៊ានសន្និដ្ឋានបាត់ខ្លួនដោយលង់ទឹក និងមូលហេតុអ្វីនោះទេ ។

ផ្តល់សិទ្ធដោយ កោះសន្តិភាព