ម៉ារ៉ុក៖ រថយន្តក្រុងមួយគ្រឿង ដែលដឹកសុទ្ធតែ ជាកីឡាករវ័យក្មេងៗ បានជ្រុលទៅ បុកនឹង រថយន្តដឹកសាំង មួយគ្រឿងទៀត នៅភាគខាងត្បូង ប្រទេស ម៉ារ៉ុក បានបណ្តាល មនុស្សយ៉ាងតិច ៣៥នាក់ បានស្លាប់ នេះបើតាម ការរាយការណ៍ ប្រភពព័ត៌មាន ក្នុងតំបន់មួយ ។

រថយន្តក្រុងបានផ្ទុះឆេះ នៅលើផ្លូវ

ប្រភពព័ត៌មាន ដដែលបានឲ្យដឹងថា ហេតុការណ៍នេះបាន កើតឡើង នៅជិតទីក្រុង តាន់-តាន់ កាលពី ថ្ងៃសុក្រនេះ មុនម៉ោង ៧ព្រឹក ម៉ោងក្នុង ប្រទេស ម៉ារ៉ុក ដែល សាក្សីឃើញហេតុការណ៍ បានប្រាប់ថា ឡានក្រុងមួយគ្រឿង ដឹកអត្តពលិក វ័យក្មេង  ក៏បាន បើកជ្រុល ទៅប៉ះ នឹង រថយន្តដឹកសាំង មួយគ្រឿង ទៀត ហើយ រថយន្តទាំងពីរក៏ ផ្ទុះឆេះ យ៉ាងសន្ធោរ សន្ធៅ ដោយមាន ផ្សែងខ្មៅ ពេញមេឃ ។  គួរបញ្ជាក់ថា ទិដ្ឋភាព ដែលរថយន្ត ក្រុងនេះ ផ្ទុះឆេះ ក៏ត្រូវបាន ថតបាន និង ត្រូវបង្ហោះ ក្នុងបណ្តាញ អ៊ីនធើណេត ផងដែរ ។

យ៉ាងណាមិញ ប្រភព័ត៌មាន បានឲ្យដឹងថា មានមនុស្សតែ ៨នាក់ប៉ុណ្ណោះ ដែលនៅ រស់មានជីវិត ប៉ុន្តែ មានរបួស ធ្ងន់ធ្ងរ ខណៈមនុស្ស លើសពី ៣៥នាក់ បានបាត់បង់ជីវិត ដែលក្នុង រថយន្តមាន ផ្ទុក កីឡាករ អាយុពី ៨ ទៅ ១៤ឆ្នាំ និងក្រុម គ្រូបង្វឹក ផងដែរ  ។ លើសពីនេះ ក្រសួងយុវជន និង កីឡាក្នុង ប្រទេសនេះ បានឲ្យដឹងថា រថយន្តក្រុងនេះ បានដឹកអត្តពលិក វ័យក្មេង ត្រលប់មកពី ប្រកួតកីឡាថ្នាក់ ជាតិមួយ នៅតំបន់ វាលខ្សាច់ ប៊ូសនីកា  ។

បន្ថែមពីលើនេះ ដោយសារតែ សាកសព ជនរងគ្រោះបានឆេះ ក្នុងភ្លើង ជាហេតុធ្វើ អាជ្ញាធរ ក្នុងតំបន់ មិនអាចកំណត់អត្តសញ្ញាណ ជនរងគ្រោះ នៅឡើយ ហើយ ខណៈនេះ អាជ្ញាធរកំពុង ស៊ើបអង្កេតលើករណី នេះ និង សហការ ជាមួយក្រុមហ៊ុន ឡានក្រុងដើម្បីកំណត់ អត្តសញ្ញាណជនរង គ្រោះ ៕

រូបភាព គ្រោងរថយន្តក្រុង ក្រោយពី បានឆេះខ្ទីខ្ទេច

សាកសព ជនរងគ្រោះដែលមិនទាន់កំណត់អត្តសញ្ញាណបាន

វីដេអូ ហេតុការណ៍រថយន្ត កំពុងតែឆេះ ក្រោយជួបគ្រោះថ្នាក់

ប្រភព Dailymail| CNN|Indenpent

ដោយ៖ ទីន

ខ្មែរឡូត