អង់គ្លេស៖ ក្មេងស្រីជំទង់ម្នាក់ ភ័យតក់ស្លុតយ៉ាងខ្លាំង ក្រោយពេលប្រទះឃើញ សត្វពស់ភឿក ដ៏ធំមួយក្បាល នៅក្នុងបន្ទប់ទឹក របស់នាង។

យោងតាមគេហទំព័រ AcidCow បានឲ្យដឹងថា ក្មេងស្រីជំទង់ម្នាក់ ឈ្មោះ Hannah Brierley អាយុ ១៦ឆ្នាំ បានប្រទះឃើញ សត្វពស់ភឿក ដ៏ធំមួយក្បាល នៅលើម៉ាស៊ីនកម្តៅ ក្នុងបន្ទប់ទឹក របស់នាង។

ដំបូងឡើយ ក្មេងស្រីម្នាក់នោះ បានគិតថា វាមិនមែន ជាសត្វពស់ ពិតប្រាកដនោះទេ ដោយគិតថា វាគ្រាន់តែជា ល្បិចបោកបញ្ឆោត ដើម្បីធ្វើឲ្យនាង ភ័យតក់ស្លុតប៉ុណ្ណោះ។ ប៉ុន្តែរំពេចនោះ នាងក៏បានឃើញវា កម្រើក ធ្វើឲ្យនាង រឹតតែតក់ស្លុត នាងក៏ប្រញាប់ទាក់ទង ទៅកាន់ប៉ូលីស ភ្លាមៗតែម្តង។

ជាមួយគ្នានេះដែរ ក៏មានមន្រ្តីប៉ូលីសម្នាក់ បានមកដល់ ផ្ទះរបស់នាង រួចក៏ចាប់ សត្វពស់នោះ ចេញពីផ្ទះ របស់នាង។ ទោះជាយ៉ាងណា វានៅតែជារឿង អាថ៌កំបាំង ដែលធ្វើឲ្យងឿងឆ្ងល់ ថាតើសត្វពស់ ដ៏ធំមួយក្បាលនោះ អាចចូលក្នុងបន្ទប់ទឹក របស់នាង បានតាមរបៀបណា៕

សត្វពស់ដ៏ធំមួយក្បាល បានពួនសម្ងំ ក្នុងបន្ទប់ទឹក

ប្រភព Lollipop

ដោយ៖ កា

ខ្មែរឡូត