រាជធានីភ្នំពេញ៖ នារីម្នាក់ត្រូវ ក្រុមចោរជិះម៉ូតូដេញកៀ បណ្តាលឲ្យដួលរួចភ្ជង់ ប្លន់យកម៉ូតូបាន ដោយសុវត្ថិភាព ខណៈជិះម៉ូតូពីព្រែក លាប មកលេងផ្ទះមិត្តភក្តិ នៅក្នុងសង្កាត់ទឹកថ្លា។ ករណីប្លន់ប្រដាប់អាវុធ នេះបានកើតឡើងនៅវេលាម៉ោង ១០និង៥០នាទីយប់ ថ្ងៃទី០៨ ខែមេសា ឆ្នាំ២០១៥ នៅខាងត្បូងស្ថានីយ៍ ទូរទស្សន៍អាស៊ីអាគ្នេយ៍ ប្រមាណ១០០ម៉ែត្រ តាមបណ្តោយផ្លូវណតប្រ៊ីត ក្នុងភូមិស្លែងរលើង សង្កាត់ទឹកថ្លា ខណ្ឌសែនសុខ ។

ក្នុងស្ថានភាពភ័យញ័រ ខ្លួននារីរងគ្រោះបានប្រាប់ភ្នាក់ងារ កោះសន្តិភាពឲ្យដឹងថានាង បានជិះម៉ូតូម៉ាក MSX មកពីព្រែកលាប បំណងមក លេងផ្ទះមិត្តភក្តិនៅម្តុំ ស្ថានីយ៍ទូរទស្សន៍អាស៊ីអាគ្នេយ៍ ស្រាប់តែមកដល់ចំណុច កើតហេតុខាងលើ ក៏មានក្រុមចោរប្រដាប់អាវុធ៤នាក់ ជិះម៉ូតូស៊េរីទំនើប២គ្រឿង ជិះម៉ូតូមកកៀម៉ូតូនារីរងគ្រោះ បណ្តាលឲ្យដួលរង របួសរលាត់ដៃជើង ហើយលើកម៉ូតូជិះគេច ខ្លួនបាត់ដោយសុវត្ថិភាពតែម្តង ។ ក្រោយពេលកើតហេតុ នារីរងគ្រោះបានត្រឹមទៅដាក់ ពាក្យបណ្តឹងតែប៉ុណ្ណោះ ៕

ផ្តល់សិទ្ធដោយ កោះសន្តិភាព