បន្ទាយមានជ័យ ៖ មន្ដ្រីពន្ធនាគារនិងមន្ដ្រី នគរបាលខេត្ដបន្ទាយមានជ័យ បានឃាត់ខ្លួន ទណ្ឌិតម្នាក់ ក្រោយពីរកឃើញថ្នាំញៀនចំនួន ១២គ្រាប់ លាក់ទុកនៅក្នុងសណ្ដែកគួ ដែលត្រូវបានគេផ្ញើរ មកឱ្យទណ្ឌិតរូបនេះ កាលពីរសៀលថ្ងៃទី៨ ខែមេសា ឆ្នាំ២០១៥។

មន្ដ្រីនគរបាលការិយាល័យ ប្រឆាំងគ្រឿងញៀន ខេត្ដបន្ទាយមានជ័យ បានឱ្យដឹងថា ក្រោយពីធ្វើការ សួរនាំទណ្ឌិតរូបនេះ បានឆ្លើយថា មានស្ដ្រីម្នាក់ ដែល ស្គាល់គ្នាតាមទូរស័ព្ទ នៅបឹងត្រកួន រួចហើយស្ដ្រីរូបនេះ បានផ្ញើគ្រឿងញៀន ដោយបង្កប់ទុកនៅក្នុង សណ្ដែកគួ ផ្ញើមកឱ្យ ទណ្ឌិត ក៏ត្រូវបានចាប់ខ្លួនតែម្ដង ។

ក្រោយពីធ្វើការស្រាវជ្រាវ និងតាមដានយ៉ាងយកចិត្តទុកដាក់ កម្លាំងនគរបាល ការិយាល័យជំនាញ ប្រឆាំងគ្រឿងញៀន ខេត្ដបន្ទាយមានជ័យ បានធ្វើការចាប់ខ្លួនស្ដ្រី ដែលផ្ញើរគ្រឿងញៀន មកទណ្ឌិតរូបនេះតែម្តង៕

ផ្តល់សិទ្ធដោយ ដើមអម្ពិល