ចិន៖ វាជាហេតុការណ៍ ដ៏គួរឲ្យរន្ធត់មួយ ដែលបណ្តាលឲ្យ មនុស្សម្នា នៅក្នុងមណ្ឌលកំសាន្តមួយកន្លែង មានការភ័យស្លន់ស្លោរ ដោយសារ ថាសហោះ សម្រាប់ជិះកំសាន្តមួយ បានដាច់ធ្លាក់ នៅពេលដែលមនុស្ស កំពុងជិះលេងយ៉ាងសប្បាយ។

ហេតុការណ៍ ដ៏អាក្រក់នេះ បានកើតឡើង នៅមណ្ឌលកំសាន្តមួយកន្លែង នៅឯក្រុង Xinxiang  ខេត្ត Henan កាលពីម្សិលមិញនេះ ដែលបានបណ្តាលឲ្យ មនុស្ស ១៩នាក់ រងបួសធ្ងន់និងស្រាល។ ជាសំណាងល្អ មនុស្សទាំងអស់ ត្រូវបានរួចផុតពីការស្លាប់ ដោយក្នុងនោះ មានម្នាក់បានរង របួសធ្ងន់ ដោយបានបាក់ឆ្អឹង នៅពេលដែលថាសហោះ ដាច់បុកទៅនឹងដី។

បើតាមប្រភពព័ត៌មាន បានឲ្យដឹងថា ហេតុការណ៍នេះ បណ្តាលមកពី ការបាក់ដងបង្វិលថាសហោះនោះ នៅពេលម៉ាស៊ីន កំពុងដំណើរការ ដែលទិដ្ឋភាព នៅពេលហេតុការណ៍ នោះកើតឡើង បានធ្វើឲ្យមនុស្សម្នា មានភាពភ័យខ្លាចជាខ្លាំង។ ប្រភពដដែលបាន ឲ្យដឹងទៀតថា ប្រសិនបើមាននរណាម្នាក់ ទទួលគ្រោះថ្នាក់ដល់ជីវិត ម្ចាស់មណ្ឌលកំសាន្តនោះ នឹងត្រូវធ្វើការចាប់ខ្លួន ដោយអាជ្ញាធរ អំពីការធ្វេសប្រហែស ក្នុងការគ្រប់គ្រងល្បែងកំសាន្តនេះ ជាក់ជាមិនខាន៕

ប្រភព shanghaiist

ដោយ Luhan

ខ្មែរឡូត