អាមេរិក៖ វាជារឿងដ៏ គួរឲ្យភ្ញាក់ផ្អើលមួយ បន្ទាប់ពីមាន អ្នកវិទ្យាសាស្ត្រ ជាន់ខ្ពស់ម្នាក់ នៃអង្គការ ណាសា បានអះអាងថា ប្រហែលជា១០ទៅ ២០ឆ្នាំខាងមុខទៀត ពួកយើងនឹង អាចរកឃើញ ក៏ដូចជា ជួបប្រទះពពួក មនុស្សក្រៅភព ដែលហៅថា Alien នោះជាក់ជាមិនខាន។

យោងតាមប្រភព ព័ត៌មានបាន ឲ្យដឹងថា ការអះអាងនេះ មានឡើងនៅក្នុង សេចក្តីថ្លែងការណ៍ មួយរបស់ អង្គការ ណាសា (Nasa) នៅក្នុងទីក្រុង វ៉ាស៊ីងតោន សហរដ្ឋអាមេរិក ដែលទីភ្នាក់ងារ អវកាសជាន់ខ្ពស់ បានអះអាងថា នៅក្នុងពិភព ហ្គាឡាក់ស៊ី (កញ្ចុំផ្កាយ) របស់យើង នេះយ៉ាងហោចណាស់ ក៏មានភពតូចៗ ស្រដៀងទៅនឹង ផែនដីរបស់យើង ចំនួន២០០ ពាន់លានភព ផងដែរ ហើយម្យ៉ាងវិញទៀត មនុស្សជាតិ នឹងអាចទំនងជា ជួបប្រទះមនុស្ស ដែលនៅភពក្រៅ ឬក៏ពពួក Alien ទាំងនោះនៅក្នុង រយៈពេល ១ទស្សវត្ស ខាងមុខនេះទៀត។

Ellen អ្នកវិទ្យាសាស្ត្រ ជាន់ខ្ពស់របស់ អង្គការណាសា អះអាងថា ពិតជាអាច រកឃើញពពួក Alien នាពេលឆាប់ៗនេះ

Ellen Stofan អ្នកវិទ្យាសាស្ត្រ ជាន់ខ្ពស់នៃ អង្គការណាសា បាននិយាយថា “ខ្ញុំជឿជាក់ថា ពួកយើងនឹងអាច ជួបប្រទះនូវ ភាវៈមានជីវិត ក្រៅភពផែនដី របស់យើងនៅ ទស្សវត្សខាងមុខ ហើយចំពោះ ភស្តុតាងប្រាកដ ដែលបញ្ជាក់ថា ពិតជាមាន ពួកមនុស្សក្រៅភព នោះក៏នឹងមាន នៅក្នុងរយៈពេល ១០ទៅ ២០ឆ្នាំខាងមុខ នេះផងដែរ”។

គួរបញ្ជាក់ផងដែរថា ការប្រកាសបែបនេះ មានឡើងបន្ទាប់ ពីអង្គការណាសា ទើបតែមាន តំរុយក្នុងការ រកឃើញប្រភពទឹក នៅទីកន្លែងផ្សេងៗ ជាច្រើនដែល ស្មានមិនដល់ នៃភពអវកាស៕

ភពដទៃទៀត ដែលអាចជា កន្លែងពពួក Alien រស់នៅ

ប្រភព៖ ដេលីម៉េល

ដោយ៖ Xeno

ខ្មែរឡូត